Mpendwa 14:43 - Amazwi Yakwe Leza 2013

⁴³ Lino mumalungatana na ina Amaleke na ina Kenani mu nkondo, mwemo mumafwa. Yawe atamaya namwe pamulandu wakuti mwatimumutalamila.”

Mpendwa 14:43 ပူးပေါင်းရင်းမြစ်များ

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

Masamu 44:10

Lyene watuleka nu kuti twapuka anisi itu, lyene yakuzanza ni vyuma vitu.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Oseya 9:12

Nanti angala yene yangavyala ana, ndayonona, kusi umwana nanti wenga alasyala umumi. Kalanda kuno yali lilyo lino ndayafutatila.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Mpendwa 13:29

Aina Amaleke yakaikala mu Negebu, nga aina Hiti, na ina Yebusi, na ina Amoli yakaikala mu mpanga ya myamba. Na ina Kenani nayo yakaikala mu nkumba yakwe Yemba Muyenzu nu mu nkumba ya Luzi lwa Yodani.”

Mpendwa 14:25

Pasi pano aina Amaleke na ina Kenani yakwikala mwenemo mu vifoloma, mutondo muce mutenuke nu kulungama ku lwanga lwaku nzila iyaya kuli Yemba Muyenzu.”

Mpendwa 14:42

Mutezya mulemele kweneko pano Yawe asi namwe, nupya mumacimviwa na anisi inu.

Mpendwa 14:44

Lelo mukuitumpoka kwao yene iyatandika ukutumbela impanga ilya ya myamba, nanti angala Mose pamwi ni Mbokosi ya Upangano atafumile pa nsakwe.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Yoswa 22:15

Lino yiiza ku Gileadi kuli Lubeni, na Gadi nu ku mutundu pakasi wakwe Manase, iyayanena yati,

Yoswa 7:12

Icaleka aina Izlaeli yatiyayacimvya ku anisi yao. Yene yatiyasimula kantapepela, pamulandu wakuti aisikulu yatiyailetelela ukononeka. Acino nani namatala imufutuke, na pakuti nupya imupalamile, suka mwatala monona vino namulesizye ukutola.

Yakapingula 16:20

Delila apunda ati, “Samusoni, wafwa aina Filisti ayayo!” Samusoni avwandamuka mu tulo, aelenganya ati, “Namafuma nu kufyumbutuka wakwe vino cikaya lyonsi.” Lelo wene atamanyile ukuti Yawe watamusya.