Mpendwa 14:33 - Amazwi Yakwe Leza 2013

³³ Ana inu nayo yalazeuluka mu lwanga pa myaka amakumi yani, nu kucula pa kutalama kwinu suka ukufika lino umuntu wensi uwa munomuli akafwe.

Mpendwa 14:33 ပူးပေါင်းရင်းမြစ်များ

Masamu 107:4

Yapulupuntanga umu lwanga, nu mu mapoli. Yatazanyile umusumba umwakwikala.

Masamu 107:40

alino walesile ukuti asambazi yasuulwe, aleka nu kuti yalulumbe umu lwanga umwaula inzila.

Masamu 78:33

Nawe fwandi ali pakufomolola umi wao wa mupu ni myaka yao ali pakuisinsola, uku mazyamo.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Mpendwa 32:13

Yawe wasokile aina Izlaeli nga aleka yalulumba mu lwanga pa myaka amakumi yani, mpaka inkulo yonsi ino itamuzanzizye ifwa.

Mpendwa 33:38

Api lamulo lyakwe Yawe, Aaloni simapepo akwela pa Mwamba wa Holi. Ali pano waile afwila pa wanda wakutandika umwezi uwalenga isano uwa mwaka uwalenga amakumi yani pacisila lino aina Izlaeli yafuma mu Eguputo.

Mpendwa 5:31

Iya wa mwanaci wiyo asi nu kupelwa mulandu uli onsi. Lelo umwanaci wene ndi wazanwa nu mulandu ale wailetelela.

Milimo 7:36

“Watungulwile antu kufuma mu Eguputo, ala akucita vinjelengwe ni vizungusyo mu Eguputo na pali Yemba Muyenzu nga nu mulwanga pa myaka makumi yani.

Malango 1:3

Pa wanda wakutandika uwa mwezi uwalenga ikumi na onga mu mwaka uwalenga amakumi yani pacisila lino yatiyafuma mu Eguputo, Mose anena aina Izlaeli ivintu vyonsi vino Yawe wamupeezile ilamulo kuti ayanene.

Malango 2:14

Ukutandikila pano twakatukile ku Kadesyi Banea ukwizafika na pano twalambile Luzi lwa Zeledi, papisile imyaka amakumi yatatu na cinani. Lilyo ala asilika yonsi yafwa, wakwe vino Yawe walafile kunoyali.

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

Malango 29:5

Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Malango 8:4

Umu myaka ii amakumi yani vyakuzwala vinu vitasila, nanti ni ngazo zinu zitatala zyavimba.

Yoswa 14:10

Ali cino ukufuma lili kwene Yawe wansunga umutende wakwe vino walavile. Patipapita imyaka amakumi yani na isano ukufuma lino wene wavwanzile cico kuli Mose, pa nsita ino aina Izlaeli yali pa lwendo mu lwanga. Ndakai ndi wati ulole, nemo indi ni myaka amakumi cinani na isano.

Yoswa 5:6

Aina Izlaeli yazeulukanga mu lwanga imyaka amakumi yani suka aonsi yonsi ali vita mu luko iyafwa, yonsi afumile mu Eguputo yano yatayezile Yawe. Pano Yawe walafile kunoyali ukuti yatalatala yalole impanga ino wene walavile ivikolwe vyao ukuti alaipeela kunotuli, impanga ilya ikulu nupya ivunde cuze.