Mpendwa 14:3 - Amazwi Yakwe Leza 2013

³ Uzye pacani cino Yawe akututwalila mu mpanga ilya? Swemo tulakomwa mu nkondo, alino yalatupoka aci itu na ana itu. Uzye ukuswilila sile ku Eguputo kutange kuzipe?”

Mpendwa 14:3 ပူးပေါင်းရင်းမြစ်များ

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Kufuma 5:21

Nga yanena Mose na Aaloni yati, “Yawe watalola vino mwatimucita nupya alamuvunuka pakulenga Falao na yacilolo yakwe kuti yatupate. Vino mwatimucita cili wa kuyapeela lupanga mu minwe kuti yatukome.”

Yelemiya 42:14

ale mukuti, ‘Tukulonda ukuya ku mpanga ya Eguputo kuno tutalalola inkondo, nanti ukuvwa ukulila kwa ntandala, nanti ukuulilwa icakulya, imuti akuno mukulonda ukwikala,’

Yelemiya 42:19

Yelemiya nawe ali pakwasuka ati, “Mwe! Mwemuno mwasyalako mu ina Yuda Yawe wamunena wati, ‘Mutezya muyeko ku Eguputo! Mucimanye ukuti ni musoka mu wanda wilelo.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Mpendwa 11:20

lelo mulalya inyama umwezi utuntulu mpaka sile ikamufiisye ku mwenzo, nu kufumila mu mpuno alino nu kumuletela muselu. Pamulandu sile uwakuti mwasuula Yawe, wino akaikala namwe, mwailizyanya cuze kunoli ukuti cange cizipe ndi atamufumizye mu Eguputo.’ ”

Mpendwa 16:13

Uzye pakutufumya mu mpanga iyo iya uzombozi ukulu cuze nupya iivunde, kwacepa pakuti wize utukome mu lwanga? Uzye lyene ndakai ukulonda kuti uumalalike myenzo itu?

Mpendwa 20:3

Iyatandika nu kuilizyanya kuli Mose yati, “Ata see! Fwandi ngano twafwile sile wakwe vino anji aina Izlaeli yafwile pa manso yakwe Yawe.

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

Milimo 7:39

“Lelo vikolwe vitu vikana kumuyela. Vyamukankile ku mbali vyelenganya ukuti cange cizipe kuswilila ku Eguputo.

Malango 1:39

“Lyene Yawe anena swensi ati, ‘Ana inu yano yacili anono atali yamanye kupusanya pakasi ka cisuma ni ciipe, yalingila mu mpanga ilya, ana yaya kwene yano mwatangi yalayasenda mu uzya. Indayapeela impanga ilya, nga nayo yalaipyana.