Mpendwa 14:2 - Amazwi Yakwe Leza 2013

² Aina Izlaeli yonsi pyu yailizyanya kuli Mose na Aloni, yonsi kwene yala yakuti, “Cange cizipe swemo ndi twafwilile sile mu mpanga ya Eguputo nanti mu kwene mu lwanga!

Mpendwa 14:2 ပူးပေါင်းရင်းမြစ်များ

1 Yamwene 19:4

Lelo Eliya umwisikulu apita pa ulendo wa wanda onga mu lwanga. Asuka afika umu cimuti ca yunipa, nga aikala pansi mu cisao. Alino apepa kuti afwe, ati, “Owe! Yawe, ala cacilamo sile! Awe cumi ni mfwa yazipa! Uzye nene nacila pa vikolwe vyane?”

Yobo 3:11

“Owe mwe! Uzye pacani cino ntafwilile lino nkuvyalwa, nanti pacisila cakufuma mu ndilwa inte ukufuta?

Masamu 106:24

Yasuula impanga ya nsansa, pakukana zumila amazwi yakwe Leza.

Masamu 106:25

Yakuinong'onya umu nsakwe zyao, yakana nu kuvwa izwi lyakwe Yawe.

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Kufuma 14:11

Yanena Mose yati, “Uzye watuleta kuti twize tufwile muno mu lwanga vwile? Uzye pamulandu wakuti mu Eguputo mutali incende ikulu ya malindi? Lola lyene vino wacita pa kutufumya mu Eguputo.

Kufuma 15:24

Antu yailizyanya kuli Mose nga yamuzya yati, “Uzye ndakai tumamwa cani?”

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Yona 4:3

Lyene, we Yawe, nkukulenga sileka mfwe. Canzipila ukufwa ukuluta kuti nje nu umi.”

Yona 4:8

Lyene lino ilanzi lyatunka, Leza akatusya umuza ukaye ukufuma ku ufumondaka, nga ilanzi nalyo ilyoca Yona apa mutwe cakuti afwa icipafi. Yona alonda nu kufwa, nga avwanga ati, “Canzipila ukufwa kuluta ukuya nu umi.”

Mpendwa 11:1

Awe antu iyatandika kuilizyanya pa ntazi zyao. Lino Yawe uvwa vino yakuilizyanya, asoka cuze nga atuma umoto iuyaponela nga woca nu lutwe lumwi ulwa nsakwe.

Mpendwa 11:15

Ndi cakuti ali vino ukulonda uncitile, awe lyene cazipa sile nu kunkoma. Uncitila uluse, ngano utanzunyizye nupya.”

Mpendwa 11:5

Swemo twiusya inswi zino twaipakizyanga ku Eguputo ukwaula kuviculila. Ni viimbi, ni vibiliki, na yaliiki na kanyense, pali pamwi na galiki.

Mpendwa 14:1

Mu usiku uwa onsi iumba lyonsi ali pa kulaizya sana iyalila akalanda nu kupooma.

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Mpendwa 16:13

Uzye pakutufumya mu mpanga iyo iya uzombozi ukulu cuze nupya iivunde, kwacepa pakuti wize utukome mu lwanga? Uzye lyene ndakai ukulonda kuti uumalalike myenzo itu?

Mpendwa 16:41

Uwanda uwalondelela iuvi lyonsi lya ina Izlaeli iliilizyanya kuli Mose na Aloni, ilivwanga liti, “Watukoma yamwi mu antu yakwe Leza.”

Mpendwa 17:6

Awe na cendi ali vino Mose nawe wanenyile intunguluzi ikumi na ziili zya ina Izlaeli ukumuletela intuwa. Ni ntuwa yakwe Aaloni nayo kwene apano yali.

Mpendwa 20:2

Nga lelo incende iyo yauzilwe amanzi akuti iuvi liomvye. Antu fwandi ali pa kuunganila Mose na Aloni.

Mpendwa 20:3

Iyatandika nu kuilizyanya kuli Mose yati, “Ata see! Fwandi ngano twafwile sile wakwe vino anji aina Izlaeli yafwile pa manso yakwe Yawe.

Mpendwa 20:4

Uzye pacani cino mwaletile iuvi lyakwe Yawe mu lwanga luu? Uzye pakuti amuno tufwile pamwi ni viteekwa vitu?

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

1 Kolinto 10:10

Tutalinzile kuilizyanya, ndi vino yamwi munoyali yacisile nga pacisila yononwa nu mungeli wa mfwa.

Malango 1:27

Mwailizyanyizye pakasi kinu, imuti, ‘Yawe watupata. Watufumya ku Eguputo kuti aize atupeele mu makasa ya ina Amoli pakuti yangatukoma.

Malango 9:23

Nga lino Yawe wamutumile ukufuma pa Kadesyi Banea, wene wamupeezile ilamulo kuti mukatuke mutumbele ku kupoka impanga ino wamupeela iye iyakwinu. Lelo mwemo mwasangukila ilamulo lyakwe Yawe Leza winu. Mwemo mutamutaile nanti kumuyela.

Ayebulai 3:16

Uzye antu cii yano yuvwile izwi lyakwe Leza nu kumusangukila? Ayaya onsi yano Mose watungulwile kufuma mu Eguputo.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.