Mpendwa 14:14 - Amazwi Yakwe Leza 2013

¹⁴ lyene ali vino yalalandila antu akaikala mu mpanga kwene ii. Antu yaa yamanya ukuti we Yawe uli naswe, nu kuti mukalolana na antu ntontonto pa manso lino ikumbi lyako lyaya pa cifulo cino yakaikala mwenemo. Nu kuti ukayakolelela pa nkolelo musanya mu mvumba yi kumbi, nu usiku namo mu mvumba ya moto.

Mpendwa 14:14 ပူးပေါင်းရင်းမြစ်များ

Utandiko 32:30

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

Neemiya 9:12

Umusanya wene wayatungululanga umwi kumbi, alino usiku uku cimbilimbili ca moto, icayakozezyanga inzila umwakupita.

Neemiya 9:19

Lelo wemo ku luse na mizu yako akulu utatazile uyatazyele foo, lino yali mu lwanga. Imvumba ya cunsi ci kumbi itatazile iyasye. Apa macaca ali ino yayatungululanga inzila ukwa kulungama, nga usiku cimbilimbili ca moto naco cayakozezyanga umwakupita.

Masamu 105:39

Leza ali pakwika ikumbi uku nkolelo lya kuyacingilila nga nu moto uwaku yapeela uluswepo uku usiku.

Masamu 78:14

Umu nsita ya kasanya, wayatungulwilanga ukwi kumbi, nu mu nsita ya usiku namo wayatungulwilanga umu cimbilimbili ca moto.

Kufuma 15:14

Antu amu nko zyuze yatiyuvwa pali cii, nga yazakaza ku ntete. Intete zikulu cuze zyalema aina Filisti.

Kufuma 33:11

Avino Yawe wavwanganga na Mose manso na manso wakwe vino umuntu wensi akavwanga na cuza wakwe. Lyene pacisila cakwe vii Mose aswilila ku nsakwe kuno walafumile. Lelo mulumendo umwi, zina lyakwe Yoswa umwana umonsi wakwe Nuni, wino wali kaazwa wakwe Mose asyala mwi Taalu.

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Kufuma 40:38

Mu nsita ya kululumba kwao konsi, aina Izlaeli yalolanga ikumbi lyakwe Yawe papela yi Taalu mu nsita ya musanya, alino mu nsita ya usiku yalola umoto ukwaka papela yi Taalu.

Mpendwa 10:34

Lilyo lyonsi lino iyatenuka ukufuma pa nsakwe pano yali, ikumbi lyakwe Yawe lyayanga apapela pano yali musanya.

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 14:9

Yesu amunena ati, “Nati nikala namwe nsita ntali, lelo Filipo wemo utamanyile nene? Wino wandola, walola na Tata kwene. Uzye pacani ukuti, ‘Tulange So?’

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 34:10

Ukutandikila sile lili kwene, kutatala kwaya kasema mu mpanga ya Izlaeli angalingana na Mose, wiyo wino walandanga kunoli pa manso ntontonto.

Malango 5:24

nga yavwanga yati, ‘Yawe Leza witu watalanga ukulu nu lulumbi lwakwe kunotuli, umwi izwi lino twatituvwa ukufuma mu cimbilimbili ca moto. Ilelo twatitulola ukuti umuntu angaya nu umi nanti angala Leza wavwanga nawe.

Malango 5:4

Kuku kwene pa mwamba ali pano Yawe wavwanzile kunomuli pa manso inu ntontonto ukufuma mu moto.

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.