Mpendwa 12:6 - Amazwi Yakwe Leza 2013

⁶ Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Mpendwa 12:6 ပူးပေါင်းရင်းမြစ်များ

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Utandiko 28:12

Alota akulola mutanto, ala cisinte cakweo cimikwe pansi nu lutwe lwauko lusintilile umwiyulu, nga na angeli yakwe Leza yamwi yakwika na yamwi yakukwela penepo.

Utandiko 28:16

Lino Yakobo wazyuka avwanga ati, “Mucumi Yawe ali pa cifulo ci, nani ntacimanyile!”

Utandiko 37:5

Lyene lino Yosefu walotwela aina yakwe ciloto, yamupata nu kuluta.

Utandiko 37:9

Nupya Yosefu alota ciloto nacuze, nga anena aina yakwe ati, “Inalota nkulola ilanzi, umwezi, nga ni ntanda ikumi na longa vikumfukamila.”

Utandiko 46:2

Usiku Leza avwanga kunoli mu cilolwa, amwama ati, “Yakobo, Yakobo!” Nawe aasuka ati, “Endi, indi pano.”

2 Samueli 7:4

Umu wanda kwene uwa, Yawe anena Natani, ati,

1 Yamwene 3:15

Alino Solomoni aiza azyuka amanya ukuti Leza wali wavwanga kunoli mu ciloto. Awe mukwai aswilila ku Yelusalemu nu kuya imilila apa nkolelo ya Mbokosi ya Upangano yakwe Yawe. Alino apeela impolelwa zyakoca na mawila yacuvwano. Alino nupya aimula yacilolo yakwe yonsi.

1 Yamwene 3:5

Kuku kwene ku Gibyoni, Yawe pali pakulolekela kuli Solomoni usiku mu ciloto. Yawe pali pakumunena ati, “Lenga cino ungatemwa kuti inkupeele.”

Yobo 33:15

Leza akalandila antu umu viloto numu vilolwa vya usiku, lino yatiyalala nu kukasula utulo pa misanzi yao.

Yobo 4:13

Cali kwati umu nsita ya usiku, lino iviloto vikapoka umuntu amano nu tulo itumulalikizya.

Masamu 105:15

Wavwanzile ati, “Mutakumya uku asolelwe yane, mutacuzya yakasema yane.”

Masamu 89:19

Mpiti wavwanzile umu cilolwa ku antu yako acumi, uti, “Nemo natinzwika umuntu umuzwangane icilongwe. Natincindamika wenga wino nemo natinsolola apa antu.

Kufuma 7:1

Yawe anena Mose ati, “Namalenga kuti uye wakwe Leza kuli Falao, nu munyonko Aaloni alavwanga kunoli wakwe kasema wako.

Yelemiya 23:25

Yawe akuti, “Nuvwa mpiti vino yakasema yalya yakalanda, yayo akasemela mwi zina lyane. Cila wenga akati, ‘Nindota iciloto! Nindota iciloto!’

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Danieli 10:8

Acino nasile nenga, ala nkulolekesya icilolwa cici cikulu. Munondi mutasile nanti amaka, nu usyu wane iupona cakuti kutali nanti wenga wakundooka.

Danieli 2:19

Lyene usiku ulya uli umwi kwene inkama ilya yasokolwilwe kuli Danieli mu cilolwa, nga nawe alumbanya Leza wa kwiyulu

Danieli 7:1

Mu mwaka uwakutandika uwa kuteeka kwakwe Belisyazali umwene waku Babiloni, ne Danieli nalosile iciloto nga naweni icilolwa usiku. Nalemvile iciloto cici.

Danieli 8:2

Umu cilolwa cici naizanyile ala indi mu musumba wa malinga uwa Susa, mu muputule wa mpanga ya Elamu. Naimi umu nkumba ya luzi lwa Ulai.

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Yowelo 3:1

Yawe avwanga ati, “Mu manda yalya nu mu nsita kwene ilya, lino ndawezezya aikazi aku Yuda ulongo nga na aku Yelusalemu,

Zakaliya 1:8

Mu nsita ya usiku nakweti icilolwa nga ndola umuntu akwezile pa mfwalasi iyenzu. Umuntu wiyo aimilila mu miti iyali mu cifoloma. Uku nsizi yakwe kwali imfwalasi, zimwi ziyenzu, na zimwi wakwe mulamba.

Mpendwa 24:4

Usemo kuli wiyo akauvwa amazwi yakwe Leza. Akalola cino Leza Wamaka yonsi wamulanga. Wino akakunkula, nga na manso yakwe yayulika.

Mateo 1:20

Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

Mateo 2:19

Lino Helodi wafwa, mungeli wa Mwene aloleka kuli Yosefu mu ciloto ku Eguputo.

Mateo 23:31

Vivyo kwene mukuisinila mweisikulu ukuti mwemwe ana yakwe yano akomile yakasema.

Mateo 23:34

Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Luka 1:11

Mungeli wa Mwene aloleka kuli Zakaliya, aimilila kwi kasa lilunji lya kavuwa kakocelapo ubani.

Luka 1:22

Lino wafuma cimuposya kuvwanga kunoyali. Nao yamanya ukuti watalola icilolwa mu Ng'anda ikulu yakwe Leza, pano wayakapizyanga na makasa.

Luka 20:6

Nupya tutangati, ‘Wafumizye ku antu,’ pano antu yaa yonsi yamatutama na mawe, pamulandu wakuti yasininkizya vino Yoane wali a kasema.”

Milimo 10:11

Alola iyulu lilekuka nga ni cintu cimwi cikoline wa cisalu, ala cikwika pansi ku masempele yaciko yani.

Milimo 10:17

Walanga lino Petulo acili akwelenganya vino cilolwa ca vintu vino waweni cikusenula, antu yano Konelio watumile yafika ku ng'anda yakwe Simoni, iimilila pa mulyango,

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Malango 18:18

Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

1 Samueli 28:6

Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.

1 Samueli 3:15

Samueli alambalala pa musanzi mpaka akatondo, lino wene wayuzile ivisasa vya ng'anda yakwe Yawe. Wene wali ni ntete zyakunena Eli ivya pamulandu ni cilolwa,

1 Samueli 3:21

Yawe atwalila ukuloleka ku Syilo, pamulandu wakuti akuno umwisikulu waisokolwile kuli Samueli nu kulanda kunoli. Na lyonsi lino Samueli wavwanga cimwi, aina Izlaeli yonsi yatezyanga.