Mpendwa 11:20 - Amazwi Yakwe Leza 2013

²⁰ lelo mulalya inyama umwezi utuntulu mpaka sile ikamufiisye ku mwenzo, nu kufumila mu mpuno alino nu kumuletela muselu. Pamulandu sile uwakuti mwasuula Yawe, wino akaikala namwe, mwailizyanya cuze kunoli ukuti cange cizipe ndi atamufumizye mu Eguputo.’ ”

Mpendwa 11:20 ပူးပေါင်းရင်းမြစ်များ

2 Samueli 12:10

Lyene muli cila mukulo yamwi amu mupanda wako yalafwa imfwa iipisye, pamulandu wakuti wemo wakana ukunjela nga watwala nu muci wakwe Uliya umwina Hiti.

Masamu 106:15

Wayapeela vino yakulonda, ali pakuyatumila ulwale wacipezya mano.

Kufuma 16:13

Manguzi kwene yalya mukumbi wa nkwale wiza uwa nu kulimba cifulo ca nsakwe consi. Katondo nako kuya lumi kuzinguluka cifulo ca nsakwe consi.

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Kufuma 16:8

Lyene Mose atwalilila kuvwanga ati, “Yawe ali wino alamupeela inyama zyakulya cila manguzi nu kumupeela umukate uvule cila katondo pano Yawe atauvwa kuilizyanya kwinu kunoli. Nga naswe sweswe yaweni? Lino mukuilizyanya kuli sweswe ala mutakucita cico kunotuli, lelo akuli Yawe.”

Mapinda 27:7

Umuntu aikwite akaswa ni lela lyakwe nacisenga, lelo wiyo ali ni nzala, kunoli ni cilule consi kwene cikalyompa.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Mpendwa 11:13

Aukwi kuno ningafumya inyama yakuti antu yaa yonsi yalye? Pasi pano akuli nene akuno yakulilila yati, ‘Tupele inyama tulye!’

Mpendwa 11:19

Mutalalya sile inyama uwanda onga, nanti amanda yaili, nanti amanda yasano, nanti amanda ikumi, nanti sile amanda amakumi yaili,

Mpendwa 11:21

Lelo Mose ali pa kunena Yawe ati, “Uluko luu luno nkwikala nalo, ulwa vita ivikapita pa ngazo ivili amazimbi mutanda. Ali vino ungalanda ukuti ungayapeela inyama iyakulya pa mwezi utuntulu?

Mpendwa 14:3

Uzye pacani cino Yawe akututwalila mu mpanga ilya? Swemo tulakomwa mu nkondo, alino yalatupoka aci itu na ana itu. Uzye ukuswilila sile ku Eguputo kutange kuzipe?”

Mpendwa 14:4

Alino iyalanzyanya yati, “Katule tusolole sile intunguluzi itu nu kuswilila ku Eguputo!”

Mpendwa 16:13

Uzye pakutufumya mu mpanga iyo iya uzombozi ukulu cuze nupya iivunde, kwacepa pakuti wize utukome mu lwanga? Uzye lyene ndakai ukulonda kuti uumalalike myenzo itu?

Mpendwa 20:4

Uzye pacani cino mwaletile iuvi lyakwe Yawe mu lwanga luu? Uzye pakuti amuno tufwile pamwi ni viteekwa vitu?

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

Milimo 13:41

‘Lolini, mwe antu amisowe! Zungukini nu kulowa! Pano lino muli aumi musyakutaila cintu cino nkucita ilelo, nanti angala umwi walondolola kunomuli!’”

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

Yoswa 24:27

Yoswa anena antu yonsi ati, “Lolini, iwe lii lilaya akambone uwakutusinila. Pano lyene lyatilyuvwa amazwi yonsi yano Yawe watavwanga kunotuli. Lyene lilaya akambone uwakumusinila ndi cakuti mwaca mwasangukila Leza winu.”

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.