Mpendwa 11:1 - Amazwi Yakwe Leza 2013

¹ Awe antu iyatandika kuilizyanya pa ntazi zyao. Lino Yawe uvwa vino yakuilizyanya, asoka cuze nga atuma umoto iuyaponela nga woca nu lutwe lumwi ulwa nsakwe.

Mpendwa 11:1 ပူးပေါင်းရင်းမြစ်များ

Utandiko 38:10

Vii vino wacitanga vitazanzizye Mwene. Caleka Yawe amukoma nawe kwene.

2 Samueli 11:27

Indosya lino yasila, Davidi atuma akuti yace yaye yakamutoole yamulete ukwi sano ukwakwe. Alino amutola aya umuci wakwe, nga nawe amuvyalila umwana umonsi. Lelo kwene Yawe atatemilwe icintu cino Davidi wacisile.

2 Yamwene 1:12

Lelo Eliya aasuka ati, “Ndi cakuti nene muntu wakwe Leza, su moto upone ukufuma umwiyulu nga woce wewe pamwi na antu yako amakumi yasano!” Lyene umoto wakwe Leza iupona ukufuma umwiyulu nu koca aliwe pamwi na antu yakwe yaya amakumi yasano.

Yobo 1:16

Lino umuntu wilya atatala wamala ukulanda, inkombe nayuze ifika nga ivwanga iti, “Inkuwa yali yapona ukufuma ukwiyulu yiza yoca imfwele kumwi na aomvi kwene. Nene nenga sile nimpusuka apakuti nize nkunene vino cali cili.”

Masamu 106:18

Umoto wiza apakasi kao, icimbilimbili coca na antu aipe

Masamu 78:21

Fwandi ali vino Leza nawe wasosile, apakuvwa imvwango zizyo, aletela nantu icimbilimbili camoto, alunkuma sile uku cipyu, icakusokela aina Izlaeli.

Masamu 78:63

Alumendo yao nayo umoto wiza wayoca. Kutasile uwakuti angatwala yakaci yao.

Kufuma 16:7

Mutondo katondo mulalola uluswepo luyengese lwakwe Yawe. Pamulandu wakuti swemo akatutuma sile kuti tumunene malamulo yakwe, nga kuilizyanya kwinu kwatikuvwika kunoli, endi kunoli.”

Kufuma 16:9

Mose anena Aaloni ati, “Nena iuvi lyonsi lya ina Izlaeli ilyati likongana, kuti lipalamile kuli Yawe, pamulandu wakuti Yawe watauvwa kuilizyanya kwao.”

Ezaya 10:17

Leza ulukozyo lwamu Izlaeli, aliwe alasanguka umoto. Leza, Wamuzilo wilya wakwe Izlaeli, alasanguka icimbilimbili ica koca yonsi pyu, apa nsita yonga mpo, imyunga na yankololwe vilapiliila kumwi.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Nyimbo zya ndosya 3:39

Uzye apacani cino tungailizyanyizizya lino yatuvunuka apa kwifya kwitu, lino tucili apuma?

Ezekelo 20:36

Vino napingwilile ivikolwe vinu mu Lwanga lwa Sinai ali vino ndamupingwila namwe. Ivyalanda ne Yawe Simwandalali.”

Aina Levi 10:2

Mukupumikizya Yawe atuma umoto nu kuyoca mpaka yafwa papo kwene.

Naumi 1:5

Imyamba ikatenkana pa manso yakwe, nu tulundu nato tukasunguluka. Insi ikasunkana lino Yawe waloleka, kuli kuti insi yonsi kumwi na antu aikala mwenemo yazakaza.

Habakuku 3:5

Wene akatuma impungo ya ndwala apa nkolelo yakwe nu kupeela ilamulo ku mfwa kuti ilondele apacisila cakwe.

Mpendwa 10:33

Lyene lino antu yatenuka, yasya Mwamba wa Sinai, yapita ulendo wa manda yatatu. Pa manda yonsi yaa yatatu ala Mbokosi ya Upangano yakwe Yawe ikuyakolelela kuti yayalondele incende pakuti yangakuula insakwe.

Mpendwa 11:18

Lyene kanene antu yonsi uti, ‘Iteyanyini ku kuisangulula uwanda wa mutondo. Ali lino mulalya inyama, pasi pano mwatimuilizyanya kuli Yawe, nga nawe watauvwa kuno mukulila ulanda ulanda ala mukuvwanga ukuti cange cizipe umwi amupeela inyama mulye! Nu kuti mu Eguputo mwene mwasansamukanga! Fwandi acino Yawe amamupeela inyama, mumalya.

Mpendwa 12:2

Ala yakuuzya yati, “Uzye Yawe wavwanzile sile kupitila muli Mose wenga? Uzye atavwangile kupitila na muli sweswe kwene?” Yawe nawe auvwa vivyo.

Mpendwa 14:2

Aina Izlaeli yonsi pyu yailizyanya kuli Mose na Aloni, yonsi kwene yala yakuti, “Cange cizipe swemo ndi twafwilile sile mu mpanga ya Eguputo nanti mu kwene mu lwanga!

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Mpendwa 14:27

“Uzye iumba lii ilipe, lilata lilaci ukuilizyanya pali nene? Natinuvwa ukuilizyanya kwa ina Izlaeli pali nene.

Mpendwa 14:28

Ali cino uyanene uti, ‘Ivyalanda ne Yawe ukuti vino ndi nu umi, nalapa ukuti namamucitilanga kulingana na mazwi yano nkuvwa mukulanda.

Mpendwa 16:11

Lino mukuilizyanya pali Aloni, ala asi aliwe wino mukusangukila, lelo a Yawe.”

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Mpendwa 17:5

Alino lyene intuwa ino imalemba, ale izina ililemvilwe penepo ali muntu wino nene nasolola. Vii ali vino nene ne Leza winu namaputula ivikanza ivya kuilizyanya ivili pali mwemwe.”

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

1 Kolinto 10:10

Tutalinzile kuilizyanya, ndi vino yamwi munoyali yacisile nga pacisila yononwa nu mungeli wa mfwa.

Malango 25:18

Yene yatakweti icoopo kuli Yawe. Yene yamuzanzile icundansizi cinu, lilyo ale mwatimutonta wakwe cimwi nu kutemboka. Ali lino yakomile yonsi ali ku cisila.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Malango 9:22

“Nupya mwalenzile kuti Yawe asoke lino mwali ku Tabela, nu ku Masaa, nga nu ku Kibuloti Hataava.

Ayebulai 12:29

Tulinzile kucita cii, pano cumi kwene Leza umoto uno ukaonona.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.