Mpendwa 10:9 - Amazwi Yakwe Leza 2013

⁹ Lyonsi lino mulaya umu nkondo mu mpanga inu, lino mukuipokolola ku anisi inu yano yatiyamuzanza, muce mulizye sile intandala zya nkondo. Lyene Yawe Leza winu atalamwilila, lelo alamutuula ku anisi inu.

Mpendwa 10:9 ပူးပေါင်းရင်းမြစ်များ

Utandiko 8:1

Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 13:14

Lino Ayuda yati kayacelecensye yazana ukuti yatiyayalizizya. Nayo fwandi ali pakupunda Yawe Leza yati, “Tutuulwe!” Yasimapepo yao nayo yalizya intandala.

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Masamu 106:42

Anisi yao yayacuzyanga nu kuyateeka amaila avule.

Masamu 136:23

Watwiwisye lino twazanzilwe, pano luse lwakwe ulwa pe na pee.

Ezaya 18:3

Uvwini kuno mwe antu mwemuno mwikala pano nsi, mwemuno mwalimba insi yonsi. Lino ulunga lwakweziwa apapela ya mwamba, mulole! Lino ipenga lyalila, muvwe!

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yelemiya 4:21

Uzye ukufika lilaci lino ndalola imendela ya nkondo, nu kuvwa ukulila kwa ntandala?

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

Yelemiya 49:2

Cisuma, lelo kwene insita iliiza lino ndalenga ukuti aikazi ya musumba Laba wa ina Amoni, yaluvwa impoma zya nkondo. Umusumba ulya ulasanguka umutumba wa vitalanganda. Imizi yamwenemo ilapya uku moto. Izlaeli nawe alapokolola ivyuma kuli yano yamupokolwile.” Ivyalanda ne Yawe.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 6:17

Namusontelile na yakalinda ukuti yangakutika ku kulila kwa ntandala. Lelo mwemo mwakanyile muti, “Tutakutala tukutike.”

Ezekelo 7:14

Yamalizya intandala nga alino yonsi yaiteyanye. Lelo pasikuya nanti wenga amaya ku kulwa inkondo pano Yawe amakatukila yonsi ukali ukali.

Oseya 5:8

Lizini intandala mu Gibeya, lizini ipenga mu Lama! Sanzulini kupunda kwa ulwi mu Beti Aveni! Mwe aku Benjamini si tungululini!

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Zefaniya 1:16

Uwanda kwene ulya ulaya uwakulizyamo intandala, nupya uwa kawele ka nkondo, kako akalacitwa ni vita ivilalwisya imisumba ya malinga ni mpungu izitali.

Mpendwa 31:6

Mose pali pakuyatuma ku nkondo. Ayapeela Pineasi umwana wakwe Eleaza simapepo, uwawakanga iviya vyamuzilo alino ni ntandala zyakulizya pa kuyasopa.

1 Kolinto 14:8

Nupya ipenga ndi lyalila kwaula kuvwika ningo, uzye aweni angaiteyanya kuya ku kulwa kwa vita?

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Yoswa 6:5

Lino muvwa kuno yakulizya intandala yao, lyene impuka yonsi iya vita ilinzile yalaizya ukulaizya ukukulu. Alino lyene ilinga lya musumba lilawa nga ni vita vilaya pa nkolelo. Cila muntu alingila mwenemo ulunga na panoli.”

Yakapingula 10:12

na ina Sidoni, na ina Amaleke na ina Midyani yamucuzizye ku mpiti nga namwe mwandilile kuti imwazwe. Uzye ntamutuuzile kuli yayo?

Yakapingula 10:8

Pa myaka cinani yene yatitikizye nu kuzunya aina Izlaeli yonsi aikalanga mu mpanga ya ina Amoli lwaku ufumondaka wa Luzi lwa Yodani umu Gileadi.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

Yakapingula 3:27

Lino wafika kuku mu mpanga ya myamba yakwe Efulemu, alizya intandala kuti aame ivita vya ina Izlaeli ku kulwa. Lyene ayatungulula iyatentemuka umwamba pamwi nawe.

Yakapingula 6:34

Lyene Umupasi wakwe Yawe iwikila pali Gidyoni, nawe alizya intandala kuti aame aonsi amu luko lwakwe Abiezeli yamulondele.

Yakapingula 6:9

Namukulwile ku uzya wa ina Eguputo nu ku maka yakwe yao yonsi amunyasile mu mpanga kwene ilya.

1 Samueli 10:18

nga ayanena ati, “Yawe, Leza wa ina Izlaeli, watavwanga ati, ‘Anene namufumizye mu mpanga ya Eguputo, nu kumutuula ku ina Eguputo nu ku mawene yonsi amucuzyanga.’