Mpendwa 10:32 - Amazwi Yakwe Leza 2013

³² Ndi wala wapita naswe, tulakupeela visuma pa vintu vino Yawe watupela.”

Mpendwa 10:32 ပူးပေါင်းရင်းမြစ်များ

Aina Levi 19:34

Mwayasunga ndi vino mukasunga aina Izlaeli yauzo. Nupya mwayatemwa ndi vino mwaitemwa mweisikulu. Mwaiusya vino mwali ainamasi mu mpanga ya Eguputo. Nene indi Yawe Leza winu.

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

Yakapingula 1:16

Amu mupanda wa mwina Kenite, sivyala wakwe Mose, iyatumbela ukufuma mu musumba wa vikambalala pamwi na ina Yuda iyaya ku kwikala pakasi ka antu amu Lwanga lwa mpanga yakwe Yuda umu mpanga ya Negebu pipi nu ku Aladi.

Yakapingula 4:11

Pa nsita ili imwi kwene Hebeli umwina Kenite walanga wataimika itaalu lyakwe mu pipi nu ku Kedesyi mu pipi nu muti waku Zaananimu uno yakati muoko. Walanga wafuntuka ku ina Kenite yauze, amu mupanda wakwe Hobabu, mulamu wakwe Mose.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”