Mpendwa 10:10 - Amazwi Yakwe Leza 2013

¹⁰ Alino nu mu nsita zinu zyaluzango, ivili mu manda inu akuzevya myezi ipya nga nu kuzevya kuze ukwasyala ukwa upefi, muce mwalizya intandala pa kupeela amawila inu akoca na autandano. Lyene ndiusya ukumwazwilizya. Nene indi Yawe Leza winu.”

Mpendwa 10:10 ပူးပေါင်းရင်းမြစ်များ

2 Yamwene 4:23

Iya nawe amuuzya ati, “Uzye pacani cino ukasi kuya kunoli ilelo kwene? Ilelo asi wanda wa Mwezi Upya nanti wi Sabata.” Umwanaci wilya aasuka ati, “Utasakamala!”

1 Milandu 15:24

Syebaniya, Yosafati, Netaneli, Amasai, Zakaliya, Benaya na Elieza yasimapepo aliyo yalingine ukulizya intandala inkolelo ya Mbokosi ya Upangano yakwe Leza. Obedi Edomu na Yeaya nayo kwene yalindanga Mbokosi ya Upangano ilya.

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

1 Milandu 16:42

Hemani na Yedutuni yapilwe umulimo wa kulizya intandala ni visekese nga nu kulizya ivintu vyuze mu nyimbo zyamuzilo. Ana aonsi yakwe Yedutuni yapilwe umulimo wa kulinda apa mpongolo.

2 Milandu 29:26

Acino aina Levi yimilila ala yatiyalema ivyakulizizya inyimbo wakwe vivyo ivyaomvizye umwene Davidi, nga na yasimapepo nayo ala yakweti intandala.

2 Milandu 29:28

Alino antu yonsi akongine yakontama pansi yapepa, ala yakiimba yakwimba ni ntandala nazyo zila zikulila. Vii vyonsi ivitwalilila mpaka impolelwa ilya isila yonsi pyu.

2 Milandu 7:6

Yasimapepo yimilila umu ncende zino yapilwe ukwimilila mwenemo. Aina Levi ala nayo yatiyalolenkanya amanso na kuko ala yakulizya nu kulumbanya Yawe umu vyakulizizyako inyimbo vino Davidi wasile. Vivi kwene vino waomvyanga apa kwimbila Yawe umu lwimbo ala akuti “Ukutemwa kwakwe kusisila, lelo ukwamuyayaya.” Yasimapepo ala yimilile umu mbalimbali zyao yakulizya intandala. Aina Izlaeli asyala yonsi nayo kwene ala yatiyimilila.

Ezila 3:10

Walanga yakakuula yamala uku kuula umufula wa Ng'anda ikulu yakwe Leza, yasimapepo nayo pali pakwiza, ale yatiyazwala insalu zyamutengo zya usimapepo izisuma. Yasenzile ni ntandala yakulizya. Aina Levi (ana aonsi yakwe Asafu) yene ala yali ni viwaya yakulumbanya Yawe, wakwe vino Davidi mwene wa ina Izlaeli wayatantikile.

Neemiya 12:35

Yamwi muli yasimapepo alizyanga intandala yali ndi vii: Zakaliya umwana umonsi wakwe Yonatani, umwana umonsi wakwe Syemaya, umwana umonsi wakwe Mataniya, umwana umonsi wakwe Mikaya, umwana umonsi wakwe Zakuli, umwana umonsi wakwe Asafu.

Masamu 150:3

Mulumbanyini mukulizya intandala, mulumbanyini umu ngoma na mazeze.

Masamu 81:3

Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Masamu 81:4

Pano ali lamulo lyamu Izlaeli, lili lamulo lyakwe Leza wakwe Yakobo.

Masamu 89:15

Alongo antu yano wasambilizya uku kuumilila utupundu yayo akaapita umu lukundo lwako, we Yawe.

Kufuma 28:29

Lino Aaloni akwingila mu Ncende Yamuzilo aazwala cakuzwala ca pacisao cino calembwapo mazina yonsi ya ana yakwe Izlaeli, pakuti ne Yawe naiusya antu yane amanda pe.

Kufuma 30:16

Impiya zya kukulwila umi ukufuma ku ina Izlaeli, muziomvye ku milimo ya mwi Taalu lya Ukongano. Zyene zilaya zyakuti Yawe aiusizyako aina Izlaeli, nga zilaya zya kukulwila umi winu.”

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Mpendwa 10:9

Lyonsi lino mulaya umu nkondo mu mpanga inu, lino mukuipokolola ku anisi inu yano yatiyamuzanza, muce mulizye sile intandala zya nkondo. Lyene Yawe Leza winu atalamwilila, lelo alamutuula ku anisi inu.

Mpendwa 28:11

“Pa wanda wakutandika umwezi, muce mwafyulila Yawe inyama zya wila wakoca, yacipambasi yaili, suuku wenga, utwana cinimbali utwa mfwele utwa mwaka onga nupya ututakweti ulema nanti umwi.

Mpendwa 29:1

“Pa wanda wakutandika uwa mwezi uwalenga cinimbali, mulinzile kukongana ku mapepo, nupya mutakaombe umulimo uli onsi. Kunomuli uli wanda wakulizya intandala.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Milimo 10:4

Nawe alolekesya mungeli, auvwa intete amunena ati, “Musambazi kuli cii?” Mungeli aasuka ati, “Leza watazangila mu mapepo yako nga nu wila uno ukapeela ku apina.

1 Kolinto 15:52

Cii cilacitika zuwazuwa wa kukapaya kwi linso. Lino ntandala yakusyalikizya ilalila swemo tulazyukuka. Swe ya umi tulasenulwa.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

1 Tesalonika 4:18

Caleka, lyene mwakomelezyanya mu mazwi yaa.

Yoswa 4:7

lyene muce muyanene ukuti amanzi amu Luzi lwa Yodani yatile ukupita lino Mbokosi ya Upangano yakwe Yawe yalamvile. Amawe ya yamayanga iciusizyo cakwe cii ku ina Izlaeli amanda pe.”

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

1 Samueli 20:5

Icaleka Davidi avwanga ati, “Lola, mutondo ukutandika kwa Cimulo ca Mwezi Upya, nga nani ndinzile ukulya pamwi nu mwene. Lelo leka nje nkafisame umu vyalo ukufika lino ilanzi lyawa pa wanda uwalenga yatatu.