Mpendwa 1:53 - Amazwi Yakwe Leza 2013

⁵³ Lelo aina Levi yali nu kusimpa mataalu yao ukuzinguluka Itaalu lya Ukongano kuti yalicingilila, pakuti ukali wakwe Yawe utafulumila aina Izlaeli.”

Mpendwa 1:53 ပူးပေါင်းရင်းမြစ်များ

1 Milandu 23:32

Avili vino aina Levi yaombanga imilimo yao umwi Taalu lya Ukongano, nu mu Ncende Yamuzilo, nga nu kwazwilizya akazi kao, amu mupanda wakwe Levi mu Ng'anda ikulu yakwe Yawe.”

2 Milandu 13:10

“Lelo kwene swemo Yawe a Leza witu, nupya tutalatala tumusangukile. Yasimapepo itu ana yakwe Aaloni yacili yakuomba imilimo yao na ina Levi nayo kwene yacili yakuyazwilizya kweneko.

2 Milandu 13:11

Cila katondo na manguzi, yakapeela amawila yakoca ni vyamununko usuma kuli Yawe. Yakaika nu mukate api tebulo iliswefiwe ilyamuzilo. Nupya cila manguzi yakakozya inyali zino yatekwa pa vyakuteekapo inyali. Swemo tukalondela vino Yawe watukonkomizye, nomba mwemo mwamutalamila.

Yelemiya 23:15

Caleka Yawe Wamaka yonsi wavwanga pamulandu wakwe yakasema amu Yelusalemu wati, “Ndayapeela umusalu ulule kuti yalye nga nu mwavi kuti yamwe, pamulandu wakuti ukufuma kuli yakasema yaya amu Yelusalemu ivicitwa viipe vyativisansantikila mu mpanga yonsi.”

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Aina Levi 10:6

Lyene Mose anena Aaloni na ana yakwe aonsi, Eleaza na Itamali ati, “Mutikala ni nyele zyaula kusakula nanti kulepula ivyakuzwala vinu, kulanga ukuti mukulosya. Ndi mwacita vivyo, mumafwa, nupya Yawe angasokela iuvi lyonsi lya ina Izlaeli. Lelo auzo aina Izlaeli yangalosya imfwa ii, iyalenzilwe nu moto uno Yawe watumile.

Mpendwa 1:50

Mucifulo cakwe cico, yene muce muyapeele umulimo wa kuwaka Itaalu lya Ukongano pamwi ni viombelo vyonsi ivyayamo. Ali yano yali nu kulisenda kumwi ni viombelo ivyayamo, nga nu kutumika mwenemo, nu kukuula insakwe ukulizingulusya.

Mpendwa 1:54

Acino aina Izlaeli yacisile vyonsi wakwe vino Yawe wapeezile ilamulo kuli Mose.

Mpendwa 16:46

Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 16:9

Uzye kuli mwemwe mwacilola wa kantu akanono, pakuti Leza wa ina Izlaeli amusolole ukufuma mwi uvi lya ina Izlaeli ilyasyala, nga umwisikulu amupalamike pipi na aliwe kuti mwaomba mwi Taalu lya mwene, na pakuti mwaimilila pa nkolelo yi uvi nu kuomba umulimo uli onsi pa malo yao?

Mpendwa 17:7

Mose nawe aika intuwa zizyo zyonsi mwi Taalu lya Ukongano, pa nkolelo ya Mbokosi ya Upangano yakwe Yawe.

Mpendwa 2:17

Alino lyene aina Levi yali nu kutenuka yapita pakasi na nkasi ka maumba yaili ankolelo na yaili acisila yala yasenzile Itaalu lya Ukongano. Cila umba lili nu kutenuka mu utantiko uli onga na uno yakakuulilamo insakwe, cila umba ukuyelile inzipa yao.

Mpendwa 3:23

Amu nko zyakwe Gelisyoni yalinzile kukuula insakwe zyao lwaku uwondaka, kwi tundu li Taalu lya Ukongano.

Mpendwa 3:29

Inko zino zyafuma kuli Koati zilinzile kukuula insakwe zyao lwaku kaeya ki Taalu.

Mpendwa 3:35

Uluko luu lulinzile kukuula insakwe zyao lwaku katutu ki Taalu, ni ntunguluzi yao a Zulieli umwana wakwe Abiaili.

Mpendwa 3:38

Mose na Aaloni na ana yakwe yalinzile kukuula insakwe zyao lwaku ufumondaka wi Taalu lya Ukongano. Yene yapilwe umulimo wa kuwaka imilimo yonsi ino ikacitika mu Ncende Yamuzilo ikumile aina Izlaeli.

Mpendwa 31:30

Ku cipande ca ina Izlaeli, uwafumya kweneko icintu conga pa makumi yasano. Ciye mu antu, mu viteekwa vikalamba, muli yapunda, mu viteekwa vinono nu mu nyama zyonsi, uwapeela aina Levi akaomba umulimo mwi Taalu lya Ukongano”

Mpendwa 31:47

Ukufuma mu cipande cii cino iuvi lya ina Izlaeli lyapilwe, Mose watozile conga pa makumi yasano ya azya ni vinyama wakwe vino Yawe wapeezile ilamulo. Alino avipela ku ina Levi aombanga incito ya mwi Taalu lya Ukongano.

Mpendwa 8:19

Nayapaatula ku ina Izlaeli nu kuyapela uwila kuli Aaloni na ana yakwe, pakuti yaomba umulimo mwi Taalu lya Ukongano uno ukumile aina Izlaeli, nga na kuti yacitile aina Izlaeli ulutambi lwa kufuta amaifyo pa maifyo yao nu kulesyanya uzanzo uli onsi kuti utayaponela ndi cakuti yapalama pipi ni Ncende Yamuzilo.”

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

1 Samueli 6:19

Yawe wakomile aonsi yamwi aina Beti Syemesyi amakumi cinimbali, pamulandu wakuti yene yasungamile mu Mbokosi ya Upangano yakwe Yawe. Fwandi antu pali pakulosya pamulandu wakuti Yawe wakomile antu aingi sana munoyali.