Milimo 9:39 - Amazwi Yakwe Leza 2013

³⁹ Caleka Petulo apita nao. Lino wafika, yamutwala pa muputule uwa papela. Alino yamukamfwilwa yonsi yamulizizya, ala yakulila nu kumulanga amalaya na makoti yano Dokasi wayasumile lino acili umumi.

Milimo 9:39 ပူးပေါင်းရင်းမြစ်များ

2 Samueli 1:24

“Mwe anaci amu Izlaeli, si mungalosya Saulo! Wene wamuzwikanga insalu izyamutengo nupya iziyenzulukile nu kuyemvya ivizwalo vinu na mapambo ayengese yakwe zaabu.

Mapinda 10:7

Umuntu musuma auze yalamwiusya wa upolelelo, lelo umuntu mwipe alililika zuwa.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 26:11

Apina mukaya nao pe, lelo nemo mutalaya nani pe.

Mako 14:8

Umwanaci wii watacita cino angacita! Watapongolwela amafuta yaa acinunu cisuma pa mwili wane, kuti auteyanye inkolelo ya nsita ya kunzika.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 12:8

Apina mukaya nao pe, lelo nemo mutalaya nani pe.”

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Milimo 1:13

Alino Petulo, Yoane, Yakobo, Andeleya, Filipo, Tomasi, Batolomeo, Mateo, Yakobo (mwana wakwe Alufeo) na Simoni kalwisya wa untungwa nga na Yuda (mwana wakwe Yakobo), lino yafika mu Yelusalemu yakwela ku muputule wapapela muno iikalanga.

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Milimo 8:2

Antu yamwi aoopanga Leza yazika Sitivini, yamulosya cuze.

Milimo 9:41

Petulo amulema pi kasa amukatusya. Alino aama yano onsi ataile, pali pamwi na yamukamfwilwa, amulangizya kunoyali ala umumi.

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

1 Tesalonika 4:13

Mwe ina itu, tukulonda kuti mumanye cumi pamulandu wakwe yao afwa, kuti mutaya nu ulanda, wa antu asi nu upaalilo.

1 Timoti 5:3

Uwacindika nu kwazwa yamukamfwilwa asi na yakazwilizya.

1 Timoti 5:5

Mukamfwilwa wino uwaikalila, nupya atakwata umwi uwakumusunga, wene wika upaalilo wakwe muli Leza nupya akapepa usiku nu musanya kuti Leza amwazwa.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.