Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Milimo 9:36 - Amazwi Yakwe Leza 2013

36 Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

အခန်းကိုကြည့်ပါ။ ကော်ပီ




Milimo 9:36
30 ပူးပေါင်းရင်းမြစ်များ  

Swemo kuno tumatema imiti yonsi iya mbao zisuma ino ukulonda ukufumya umu myamba yaku Lebanoni. Tumainyepanga umu myanzi wa vilako, nu kwisumbila apa manzi pali yemba. Alino ilafuma ikwelela ukuya uku Yopa. Namwe ali kuno mulaipokelela nu kuizuulula nga muitwale uku Yelusalemu.”


Lyene iyasangula ulupiya ulwa kulipila yakaconga ya mawe na yakalepula ya mbao, nga yapeela ivyakulya ni vyakumwa pamwi na mafuta ku ina Sidoni na ina Tuli, apakuti nayo yangafumya imiti ya mikelide uku Lebanoni. Alino yailete kuli yemba, ifike uku Yopa ndi muno Kilusi mwene waku Pesya wapelile insambu.


Wene wenga sile ali musuma wakwe kampombo, amayele yakwe antutu yamakuzanzyanga pe. Ucisotwe wakwe utalatala usufuke manda pe, usuma wakwe umalyompelelangako wa kanyama kanone.


Mukundwe wane ali wakwe nyinanswela nanti wakwe mwana taala. Ala awiyo wimilila kuko umu mbali ya lung'umba lwitu, akusungamila mu mawindo, akusungamila nu mu nzota kwene.


Mwe anaci amu Yelusalemu, icumi nkumulenga pali nyinampombo na nyinanswela amu mpanga. Nkuti mutakatusya ulukundo lwitu nanti kuluzyula, mpaka lino lwene lukasi.


Pitisya ndanga we mukundwe wane, na pakwiza watampoka wakwe mpombo, nanti wakwe taala pa myamba apakamela vyamununko usuma.


Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.


Mu musango uli onga na wakwe ciili uwaposile impiya mazimbi yaili, nawe azanilapo nazyuze mazimbi yaili.


“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.


Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.


Alino Petulo aingizya mu ng'anda ayasezya. Lyene katondo pa wanda walondelile akatuka apita nao, nga yamwi amu Yopa yano ataile yapita pamwi nawe.


avwanga ati, ‘Konelio! Leza watauvwa ipepo lyako nu kumanya imilimo yako iya luse.


Alino ayanena icacitike nga ayatuma ku Yopa.


Nawe atunena vino waweni mungeli aimi mu ng'anda mwakwe, amunena ati, ‘Tuma umuntu umwi ku Yopa kuya aama umuntu izina lyakwe Simoni Petulo.


“Lino napepanga mu musumba wa Yopa, naweni cilolwa. Naweni cintu cimwi cikoline wa cisalu cikulu cikwika pansi ku masempele yakweco yani, ala cikufuma mwiyulu, nga cifika panondi.


Ku Yopa kutaali ukutali kufuma ku Lida, nga alino alondezi ali mu Yopa yuvwa ukuti Petulo ali mu Lida, yatuma aonsi yaili na mazwi yakuti, “Twapapata, pitisya iza kuno.”


Lyene impwelo ya pali cii isalangana konsi mu Yopa, antu aingi yataila mu Mwene.


Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.


Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.


Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.


Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.


nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.


Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.


Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.


Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.


Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.


Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.


nu ku Meyalikoni nga na Lakoni, kumwi ni ncende iyalungatana na Yopa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ