Milimo 9:34 - Amazwi Yakwe Leza 2013

³⁴ Petulo amunena ati, “Eneya, Mwene Yesu wakupozya. Katuka wanze musanzi wako.” Lilyo kwene Eneya akatuka.

Milimo 9:34 ပူးပေါင်းရင်းမြစ်များ

Mateo 8:3

Yesu atambalika ikasa lyakwe amulemelela, nga amunena ati, “Nkasi, pola!” Lilyo kwene umuntu apoziwa kuli tembwe,

Mateo 9:6

Nkasi musininkizye ukuti Mwana wa Muntu ali na maka muno nsi akwelela amaifyo.” Lyene avwanga ku cite ati, “Katuka, nyemula icintamba cako pitanga ukwako.”

Yoane 2:11

Yesu wacisile cilangililo cii cakutandika mu Kana, muzi uwaku Galile. Muli cii amuno wasokolwile lulumbi lwakwe, nga na alondezi yakwe yataile munoli.

Milimo 16:18

Wacisile vii pa manda aingi, asuka Paulo aaziwa cuze mu mano nga aseleuka anena mupasi wankota ati, “Mwi zina lyakwe Yesu Klistu nakunena ukuti ufume mu muntu wii!” Alino pa kasita kwene kaka mupasi wankota ufuma munoli.

Milimo 3:12

Lino Petulo walola antu ayauzya ati, “Mwe ina Izlaeli, uzye pacani mukuzunguka pali vii? Uzye pacani mukutulolekesya kwati mu maka itu nanti ukapepa witu wacilamo vyati vilenga kuti aapita?

Milimo 3:16

Pa kuya nu utailo mwi zina lyakwe Yesu, amuno umuntu wii wino mwalola nu kumanya wapelwa maka. Utailo uno akweti muli Yesu uwati umulenga kuti apoziwe mu cumi, ndi vino mwati mulola nu kumanya.

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”

Milimo 4:10

lyene mulinzile kumanya, nga na antu yonsi aina Izlaeli nao kwene yamanye vino umuntu wii wino aimi nkolelo inu watapola ningo ku maka aya mwi zina lyakwe Yesu Klistu uwaku Nazaleti. Yesu wino mwatanyile pa lupanda, wino Leza wazyukwile kufuma ku afwe.

Milimo 9:33

Kuku aya akomenkanya umuntu izina lyakwe a Eneya, wino uwali icite nupya atali na maka yakukatuka kufuma pa musanzi pa myaka cinani.

Milimo 9:35

Alino antu yonsi aikalanga mu Lida nu mu muputule wa mpanga ya Syaloni yalola Eneya. Awe yataila yasenukila ku Mwene.