Milimo 9:17 - Amazwi Yakwe Leza 2013

¹⁷ Caleka Ananiya apita, aya aingila mu ng'anda muno Saulo wali, aika makasa yakwe panoli amunena ati, “Mwinane Saulo, Mwene umwisikulu, wino uwalolike kunuli umu nzila lino wizanga kuno, wata ntuma pakuti ungalola nupya uzuziwe na Mupasi Wamuzilo.”

Milimo 9:17 ပူးပေါင်းရင်းမြစ်များ

Utandiko 45:4

Lyene Yosefu avwanga kunoyali ati, “Napapata palamilini kunondi.” Lino yapalama kunoli, nupya avwanga ati, “Anene muto winu Yosefu wino mwakazizye ku ina Eguputo.

Mateo 19:13

Alino antu yamwi yamuletela ana anono kuti aiikepo makasa yakwe nu kuyapepelela. Lelo alondezi yakalipila antu yao ayalesile.

Mako 5:23

amupapata cuze ati, “Mwanane kaci umulwalisye ali pipi nu kufwa. Nakulenga kuti wize umwikepo makasa yako, pakuti apole aye nu umi.”

Mako 6:5

Wene atacisile icinjelengwe cimwi kuku, lelo wisilepo sile makasa yakwe pa alwale yanono ayapozya.

Luka 1:41

Lyene walanga lino Elizabeti uvwa kulamuka kwakwe Maliya, umwana asukana umunda yakwe. Elizabeti nawe azuziwa na Mupasi Wamuzilo,

Luka 1:67

Lyene Zakaliya isi wakwe Yoane azuziwa nu Mupasi Wamuzilo nga avwanga mazwi afumile kuli Leza ati,

Luka 1:76

Nawe mwana we, ulaamwa kasema wakwe Leza uwapapelapela, pano ulakolelela Mwene kuya muteyanyizizya museo wakwe.

Luka 15:30

Lelo umwana wako wii wasumba vyuma vyako vyonsi muli yacizelele, na lino watawela pa mulyango, wemo wamukomela kacipambasi akiine!’

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Luka 2:11

Ilelo kwene mu musumba wakwe Davidi watavyalwa kunomuli Katuula, wino ali a Klistu Mwene.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 13:3

Lyene lino yaizilizya ukulya, nu kupepa, iika makasa yao panoyali, yayatuma.

Milimo 13:52

Lelo alondezi amu Antioki yazuziwa nu luzango nga na Mupasi Wamuzilo.

Milimo 19:6

Paulo aika makasa yakwe panoyali, na Mupasi Wamuzilo aikila panoyali, nao yavwangila mu ndimi zipusanepusane nu kukosola ilandwe lyakwe Leza.

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Milimo 21:20

Pacisila ca kumuvwa, yonsi yalumbanya Leza. Lyene yanena Paulo yati, “Mwina witu Paulo, watulola, vino Ayuda mazimbi aingi yati yataila muli Klistu nga nupya yaipelesya kuyela Masunde yakwe Mose.

Milimo 26:15

Alino nani inuzya inti, ‘Wewe weni Mwene?’ Nawe Mwene aasuka ati, ‘Anene Yesu, wino ukuzunya.

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

Milimo 6:6

Iumba liyaleta ku atumwa, nao yapepa, nu kwika makasa yao panoyali.

Milimo 8:17

Lyene Petulo na Yoane iika makasa yao panoyali, nga nao yapokelela Mupasi Wamuzilo.

Milimo 9:18

Lilyo kwene vintu vimwi vikoline wa mamba ya nswi vilakata kufuma mu manso yakwe Saulo, nga alola nupya. Alino akatuka, nga awatiziwa.

Loma 15:7

Mwazengelana mwensi ndi vino Klistu wamuzengile, pakuti Leza alumbanyiwe.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

1 Kolinto 15:8

Lyene mukusyalikizya aloleka kuno ndi nemuno nkoline wa mwana uwavilwe kapopo.

1 Kolinto 9:1

Uzye nemo nsi muntu muntungwa? Uzye nemo nsi mutumwa? Uzye nemo ntalola Yesu Mwene witu? Uzye mwemo ntamutungulwile ku kukwata utailo mu Mwene Yesu?

1 Timoti 4:14

Utatazyela uwila wa mupasi uno uli munuli, nupya uwapilwe kunuli lino yakasema yavwanzile na ikolo yakupolelile apa kwika makasa yao panuli.

1 Timoti 5:22

Utakalauka kwika makasa yako pa muntu umwi kuti umusolole atumikila Mwene. Utakumako ku maifyo ya antu yauze. Lelo wemo funtuka ku kukowela konsi.

2 Timoti 1:6

Pamulandu kwene uu nkukwiusya kuomvya wila uno Leza wakupile lilyo lino nisile makasa yane panuli.

Filimoni 1:16

Ndakai wene asi sile muzya, lelo wene alusile muzya. Kunondi wene alusile pa mwina! Lelo kunuli alalusya nu kuluta, wa muzya nupya wa mwina mu Mwene!

Ayebulai 6:2

Nanti mu usambilizyo wa luwatizyo nu wa kwikilapo makasa, nanti kuzyukuka kwa afwe nu upinguzi wa pe.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.