Milimo 9:11 - Amazwi Yakwe Leza 2013

¹¹ Mwene nawe amunena ati, “Iteyanye uye ku museo uno yakati, Museo wololoke, pa ng'anda yakwe Yuda uuzyepo umuntu afumile ku Taliso, wino izina lyakwe a Saulo. Wene akupepa,

Milimo 9:11 ပူးပေါင်းရင်းမြစ်များ

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Milimo 11:13

Nawe atunena vino waweni mungeli aimi mu ng'anda mwakwe, amunena ati, ‘Tuma umuntu umwi ku Yopa kuya aama umuntu izina lyakwe Simoni Petulo.

Milimo 11:25

Alino Banaba aya ku Taliso kukulonda Saulo.

Milimo 2:21

Lyene alino wensi wino alaama pi zina lya Mwene alatuulwa.’

Milimo 21:39

Paulo amwaasuka ati, “Nene mu Yuda, uwavyalilwe ku Taliso, mu mpanga ya Kilikya nupya nene mwina musumba umumanyike. Napapata leka ndande ku antu.”

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Milimo 8:22

Lyene zenzuka ku kwelenganya kwako kwipe, nu kupepa ku Mwene pakuti akwelele pa kwelenganya icintu wakwe cii.

Milimo 8:26

Mungeli wa Mwene anena Filipo, ati, “Katuka uye ku kaeya, ku museo uwafuma ku Yelusalemu, uwaya ku Gaza.” (Museo uu utaciomviwa.)

Milimo 9:30

Lino aina muli Klistu yamanya cii, yatwala Saulo ku Kesaliya, yamutuma ku musumba wa Taliso.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.