Milimo 9:10 - Amazwi Yakwe Leza 2013

¹⁰ Mu Damasiko mwali mulondezi uwi zina lyakwe Ananiya. Wakweti cilolwa, muno Mwene wamunenyile ati, “Ananiya!” Nawe aasuka ati, “Anene, Mwene.”

Milimo 9:10 ပူးပေါင်းရင်းမြစ်များ

Utandiko 14:15

Lino yafika Abulamu apaatula vita vyakwe mu maumba maumba, nga yazanza anisi insita ya usiku, yayacimvya. Anisi yalya yutuka, nayo yayazinganya kufika ku Hoba, ku katutu kakwe Damasiko.

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

Utandiko 31:11

Mungeli wa Mwene Leza avwanga kunondi mu ciloto ati, ‘Yakobo.’ Nani naasuka inti, ‘Mukwai.’

2 Samueli 15:26

Lelo ndi wene atazangile munondi, lyene cili kunoli, ukuncitila consi icingamuzipila.”

Kufuma 3:4

Lino Yawe walola ukuti Mose akupalamila pipi, alaizya kunoli mukasi ka cimpuza ati, “Mose! Mose!” Nga Mose aasuka ati, “Mukwai.”

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

Danieli 2:19

Lyene usiku ulya uli umwi kwene inkama ilya yasokolwilwe kuli Danieli mu cilolwa, nga nawe alumbanya Leza wa kwiyulu

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 11:5

“Lino napepanga mu musumba wa Yopa, naweni cilolwa. Naweni cintu cimwi cikoline wa cisalu cikulu cikwika pansi ku masempele yakweco yani, ala cikufuma mwiyulu, nga cifika panondi.

Milimo 12:9

Petulo amulondela kufuma mu ng'anda yaminyololo. Lelo atamanyile ndi cino mungeli wacitanga cali icacumi. Welenginye vino akulola cilolwa.

Milimo 16:10

Zuwazuwa lino Paulo walola cilolwa, tuiteyanya kuya ku Makedoniya, pano twiluka ukuti Leza watwama kuya kosola Ilandwe Lisuma ku antu ya kuku.

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Milimo 18:9

Usiku umwi Mwene aloleka kuli Paulo mu cilolwa, nga amunena ati, “Utuvwa intete, lelo twalilila nu kuvwanga, utata,

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Milimo 22:12

“Mwali umuntu izina lyakwe a Ananiya, uwali umupefi nupya wayelanga Masunde itu yakwe Mose, wino Ayuda ali mu musumba yamutasyanga.

Milimo 9:12

nga nu mu cilolwa watalola umuntu uwi zina lyakwe Ananiya akwingila nga nu kwika makasa yakwe panoli, pakuti angalola nupya.”

Milimo 9:9

Lyene watenzi manda yatatu kwaula kulola, ala asyakulya nanti kumwa cimwi.

2 Kolinto 11:32

Lino nali mu Damasiko, mulasi uwaliko mu manda yakwe Aleta kateeka, wisile yakalinda pa mpongolo zya musumba kuti yandeme.

Galatiya 1:17

nanti kuya ku Yelusalemu ku kulandana na atumwa yao ankolelile. Lelo mu cifulo cakwe cii, nemo naile zuwa ku Alabya, nga pacisila mbweluluka ku Damasiko.

1 Samueli 3:4

Lyene Yawe aama Samueli nga Samueli aasuka ati, “Anene mukwai!”