Milimo 8:7 - Amazwi Yakwe Leza 2013

⁷ Mipasi yankota ifuma mu antu aingi ala ikupunda. Antu aingi ali vite nga ni vilema yapola.

Milimo 8:7 ပူးပေါင်းရင်းမြစ်များ

Ezaya 35:6

Ivilema vimatolokanga wa nswela. Indimi zyakwe yaciulu zimapundanga nu luzango. Amanzi yamakonkolokanga umu lwanga ni nguzi zilapita umu mpanga ilangoke.

Mateo 10:1

Yesu aama alondezi yakwe ikumi na yaili, ayapeela amaka akufumya mipasi yankota nu kupozya indwala zya misango yonsi nga ni ndema.

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mako 9:26

Mupasi wankota upunda, uutensya mwana na maka umufulukusya, alino ufuma munoli. Mulumendo aloleka wa mufwe, nu muntu wensi avwanga ati, “Wafwa!”

Luka 10:17

Antu makumi cinimbali na yaili yawela nu luzango yati, “Mwene, mipasi yankota nayo kwene yatuyelanga mwi zina lyako.”

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Milimo 5:16

Alino maumba kufuma ku misumba izingulwike Yelusalemu, yaleta alwale yao nga na yano acuziwanga ni mipasi yankota. Lyene yonsi yapoziwa.

Milimo 8:6

Maumba yasumvile amano kuli vino Filipo walandanga. Onsi auvwanga kunoli, yalola ni vinjelengwe vino wacitanga.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.