Milimo 8:39 - Amazwi Yakwe Leza 2013

³⁹ Lyene lino wafuma mu manzi, Mupasi wa Mwene usenda Filipo. Mutungwi nawe atamuweni nupya, lelo atwalilila nu lwendo lwakwe, azanga cuze.

Milimo 8:39 ပူးပေါင်းရင်းမြစ်များ

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

2 Yamwene 2:16

Alino yavwanga yati, “Lola, swe aomvi yako tukweti antu amakumi yasano, aonsi yamaka sana. Leka tufume tukulonda ukuli Eliya umusambazi wako, pano limwi Umupasi wakwe Yawe watiumutwala kumwi kuno ungaya ukamusye papela ya mwamba umwi nanti mu cifoloma cimwi.” Elisya nawe aasuka ati, “Awe mutaya kweneko.”

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:14

Nkasansamuka umu kulondela inzila zyako, ukuluta napa vyuma vyonsi.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezekelo 11:1

Nupya mupasi wankatwisye nu kuntwala ku mpongolo ya Ng'anda ikulu yakwe Leza iyalozizye umulyango uku ufumondaka. Papa kwene apa mpongolo apali aonsi ukulingana ni mpendwa ya makumi yaili na yasano. Pali alio apali na Yazaniya umwana wakwe Azuli na Pelatiya umwana wakwe Benaya, intunguluzi zya yantu.

Ezekelo 11:24

Pacisila Mupasi wakwe Yawe iunyemula nga untwala ku azya ku mpanga ya Babiloni. Vyonsi vii vyacitike umu cilolwa, ndi muno Mupasi wakwe Yawe wandanzile. Lyene cilolwa cino nakweti icipita,

Ezekelo 37:1

Nemo ne Ezekelo nuvwile amaka yakwe Yawe yanjizila, nu mupasi wakwe ali pakunsenda antwala nu mucifoloma umwazile amafupa ya antu.

Ezekelo 43:5

Umupasi wakwe Leza pali pakunkatusya nu kuntwala mu musolo wa mukasi, nga nu ucindami wakwe Yawe iuzula mu Ng'anda ikulu yakwe Leza.

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Mateo 3:16

Lyene lino Yesu wawatiziwa, lilyo kwene afuma mu manzi. Lyene iyulu lilekuka, nga alola Mupasi Wamuzilo akwika panoli mu musango wa nkunda.

Mako 1:10

Lilyo kwene lino Yesu akufuma mu manzi, alola iyulu lyalekuka na Mupasi Wamuzilo akwika panoli mu musango wa nkunda.

Milimo 13:52

Lelo alondezi amu Antioki yazuziwa nu luzango nga na Mupasi Wamuzilo.

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.

Milimo 8:29

Mupasi Wamuzilo anena Filipo ati, “Yanga kapalamile pipi ni celeta.”

Milimo 8:38

Mutungwi apeela ilamulo kuti iceleta limilile. Lyene Filipo na mutungwi iingila mu manzi oili, nga Filipo amuwatizya.

Milimo 8:8

Caleka mwali luzango lukulu cuze mu Samaliya.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Filipi 4:4

Mwazanga mu Mwene. Nupya kwene nkuti mwazanga!

Yakobo 4:16

Lelo ndakai muli ni cilumba nupya mukuitumika. Kuitumika kwa musango uu konsi ukuluvyanya.