Milimo 8:30 - Amazwi Yakwe Leza 2013

³⁰ Filipo asimwililako, amuvwa akuwelenga mu lupapulo lwakwe kasema Ezaya. Alino amuuzya ati, “Uzye ukuvwa vino ukuwelenga?”

Milimo 8:30 ပူးပေါင်းရင်းမြစ်များ

Masamu 119:32

Ndasimwilila uku kuyela amalamulo yako, pano ulampeelela kweneko ukwiluka.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Mateo 13:19

Yao akauvwa mazwi yano yakalanda vya pa Wene wakwe Leza kwaula kuyamanyikisya, yakoline wa mbezu izyaponile umu mbali ya nzila. Lelo mwanisi wakwe Leza aiiza afumya mazwi yano atewa mu myenzo yao.

Mateo 13:23

Imbezu izyaponile pa musili uvunde ayao yano ndi yuvwa mazwi yakwe Leza, yuvwikisya nu kumanya. Yene yakaseeka vizao vivule, yamwi umwanda onga, yamwi makumi mutanda, nga na yamwi makumi yatatu.”

Mateo 13:51

“Lyene Yesu auzya alondezi yakwe ndi cakuti yati yamanya vintu vii vyonsi.” Nao yaasuka yati, “Endi, Mwene.”

Mateo 15:10

Lyene Yesu aama iumba kunoli alinena ati, “Uvwini kunondi mwensi, nu kumanya.

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Mako 13:14

“Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba.

Yoane 4:34

Yesu nawe ayanena ati, “Cakulya cane, ukucita ukulonda kwakwe wino uwantumile, nu kumalila milimo yakwe ino wampeela kuti ncite.

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Milimo 8:27

Caleka Filipo akatuka apita. Lyene mutungwi mwina Etiopia, uwali mucindame kangalila wa cipao cakwe Kandake namwene uwaku Etiopia, wali umu nzila ala akuswilila kumwao.

Milimo 8:29

Mupasi Wamuzilo anena Filipo ati, “Yanga kapalamile pipi ni celeta.”

Milimo 8:31

Mutungwi nawe ati, “Uzye ningamanya uli, suka umwi wandondolwela?” Alino anena Filipo ati kwela mwi celeta wikale pamwi nani.

Milimo 8:5

Filipo waile ku musumba uwamu Samaliya akukosola ilandwe lya pali Klistu ku antu ya kuku.

1 Kolinto 14:19

Lelo lino tukupepa mu ukongano wi uvi, nemo cinganzipila kulanda mazwi yasano sile yano yanguvwika pakuti nsambilizye yauze, kuluta kulanda mazwi mazimbi ikumi yano yatanguvwika ku antu yauze.

Efeso 5:17

Caleka mutaya viwelewele, lelo mwaezya kumanya vintu vino Umwene akulonda kuti mwacita.

Umbwilo 13:18

Mulinzile kuomvya mano kuti mwiluke. Wino wensi mucenjele angapituluka nu kuzana vino mpendwa ya cilyanyi ikusenula, pano mpendwa ikaimilila izina lya muntu. Ni mpendwa yakwe myanda mutanda na makumi mutanda na mutanda (666).