Milimo 8:14 - Amazwi Yakwe Leza 2013

¹⁴ Atumwa amu Yelusalemu yuvwa ukuti antu amu Samaliya yapokelela izwi lyakwe Leza. Caleka yatuma Petulo na Yoane kunoyali.

Milimo 8:14 ပူးပေါင်းရင်းမြစ်များ

1 Yamwene 13:32

Pasi pano amazwi yonsi yano Yawe wanenyile kasema wi pamulandu na kavuwa kamu Betele, nga ni ncende zyonsi zyakupepela penepo zyamu misumba yonsi yamu Samaliya, ala umu cumi yali nu kufikiliziwa.”

Mateo 13:23

Imbezu izyaponile pa musili uvunde ayao yano ndi yuvwa mazwi yakwe Leza, yuvwikisya nu kumanya. Yene yakaseeka vizao vivule, yamwi umwanda onga, yamwi makumi mutanda, nga na yamwi makumi yatatu.”

Luka 22:8

Alino Yesu atuma Petulo na Yoane, ayanena ati, “Yangini mukatuteyanyizizye umwakulila Cimulo ca Ucilo.”

Yoane 12:48

Na wino wensi uwankana, wasula mazwi yane, akunoli alamupingula. Mazwi kwene yano nkalanda alamupingula pa wanda wampelelekezyo.

Milimo 11:1

Atumwa pamwi na ataile yano ali mu Yudeya yuvwa ukuti na Akulukuwa kwene yati yapokelela izwi lyakwe Leza.

Milimo 15:4

Lino yafika mu Yelusalemu, iuvi, atumwa na ikolo yayazengela. Paulo na Banaba yayalandila vyonsi vino Leza wacisile munoyali.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Milimo 2:41

Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

1 Tesalonika 3:2

nu kutuma Timoti mwina witu kunomuli. Wene pamwi naswe akatumikila Leza pa kukosola Ilandwe Lisuma lya pali Klistu. Twamutumile kwiza mukomelezya nga nu kukomya utailo winu,

2 Tesalonika 2:10

Wene alaomvya inkota pa kusomba yao yano yalalowa. Antu yao yalalowa pamulandu wakuti yatazumile nu kutemwa cumi pakuti yatuulwe.