Milimo 8:11 - Amazwi Yakwe Leza 2013

¹¹ Yasumvile amano pali aliwe pano pa nsita ntali wayazungulanga ku malele yakwe.

Milimo 8:11 ပူးပေါင်းရင်းမြစ်များ

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Milimo 13:6

Alino yapita yasalala cilila yafika ku musumba wa Pafosi, yazana umuntu umwi uwa malele, wino izina lyakwe a Ba-Yesu, u Muyuda wino waitakanga vino akasema.

Milimo 8:9

Mu musumba ulya mwikalanga umuntu izina lyakwe a Simoni, wino pa nsita imwi wazungulanga aina Samaliya ku malele yakwe. Wene waitakanga kuya mukulu cuze.

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!