Milimo 7:49 - Amazwi Yakwe Leza 2013

⁴⁹ ‘Umwene wati, Iyulu cili cilimba cane, ni insi cili cilimba ca ngazo zyane. Uzye lyene ing'anda ya musango ci ino mulankulila? Nanti uzye cifulo cane umwakupuzila cili kwi?

Milimo 7:49 ပူးပေါင်းရင်းမြစ်များ

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

2 Milandu 6:18

“Uzye kwene umu cumi Leza angikala pano nsi pamwi na antu? Vino iyulu litupu nanti lyakula uli litange likukumane. Ale lyene uzye Ng'anda ikulu ii ino natinkukuulila, ali ino ingakukumana?

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mateo 23:22

Na wino wensi walapa mwi zina liyulu, ala walapa mwi zina lya cilimba ca wene cakwe Leza nga nu mwi zina lyakwe Leza kwene.

Mateo 24:2

Lelo Yesu ati, “Endi, mukulola vikulwa vii vyonsi. Cumi namunena, vino kutalaya iwe nanti lyonga ililasyala pi we lyuze. Yonsi kwene yalomoolwa.”

Yoane 4:21

Yesu amunena ati, “Kaciwe, taila vino nkukunena ukuti kasita kaliza lino mutalapepa Tata pa mwamba uu, nanti mu Yelusalemu kwene.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.