Milimo 7:10 - Amazwi Yakwe Leza 2013

¹⁰ nu kumupususya mu macuzi yakwe onsi. Wamupile amano nu kutemwikwa ku cinso cakwe Falao, mwene wa Eguputo, pano lino Falao wamuweni amucita kuti aye mulasi wa mpanga ya Eguputo nu kuya cinda wa vyakwi sano.

Milimo 7:10 ပူးပေါင်းရင်းမြစ်များ

Utandiko 39:21

Lelo Yawe wacingililanga Yosefu nga nu kumupolelela. Cii, calesile kuti kalinda wa anyepwe umukalamba azangila muli Yosefu.

Utandiko 42:6

Yosefu, mulasi wa mpanga ya Eguputo, wakazyanga ingano ku antu yonsi afumile konsikonsi mu nsi. Caleka aina yakwe Yosefu yaya kunoli, nga yafukama pansi yafupime iinamika impumi zyao pa musili.

Utandiko 44:18

Yuda apalamila kuli Yosefu, nga avwanga ati, “Napapata musambazi, nzumilizye kuti mvwange kunuli mu untungwa. Utasoka pamulandu wane, pano wewe kwene uli wa mwene umwisikulu.

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

1 Yamwene 8:50

Uwayela antu uluse pa maifyo yao yonsi nu kusuula utalami wao onsi, nu kuleka kuti anisi yao yonsi yayatemwe nu kuyasakamala.

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Masamu 37:40

Umwene akayapususya nu kuyavwa, akayatuula, pano kuli aliwe akuno yakazina.

Mapinda 16:7

Mikalile ya muntu ndi yazanzya Yawe, ala na anisi yakwe kwene yalamutemwa.

Mapinda 2:6

Pano Yawe aliwe akapeela amano, aliwe kwene ali ntulo ya kumanya nu kwiluka

Mapinda 3:4

Ndi wacita vivyo, lyene Leza alakusansamusya, na antu kwene nayo yamakusansamusyanga pe.

Yelemiya 39:12

“Umusende nu kumuwaka. Utamucuzya, lelo umucitile icili consi ndi muno akulondela.”

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.