Milimo 6:9 - Amazwi Yakwe Leza 2013

⁹ Lelo antu yamwi yamukatukila, yali amu Ng'anda yamapepo ino yatangi ya antu akululwa. Antu yaa yafumile ku Kuleni nu ku Alekizandilya. Yene pamwi na Ayuda yauze afumile ku Kilikya nu ku Asiya yatandike kupazyanya na Sitivini.

Milimo 6:9 ပူးပေါင်းရင်းမြစ်များ

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 23:34

Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Mateo 27:32

Lino yakufuma yakomanya umuntu uwaku Kuleni, wino zina lyakwe a Simoni, nga yamupatikizya kusenda lupanda lwakwe Yesu.

Mako 13:9

“Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Luka 21:12

Lelo lino vintu vii vyonsi vitali vicitike, yalamulema nu kumuzunya. Yalamupeela ku ntunguluzi zyamu mang'anda ya mapepo nu kumuyalila mu mang'anda yaminyololo. Yalamuleta nkolelo yakwe yakateeka ni ntunguluzi pamulandu wane.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

Milimo 15:23

Alino yayatumilizya kalata uwatangi, “Swe atumwa na aikolo, swe ina inu, twatuma ulau kuno muli mwe ina itu amu Akulukuwa, akaikala mu Antioki, Silya na Kilikya.

Milimo 15:41

Alino nao yapita mu Silya nu mu Kilikya, ala yakukomelezya mauvi.

Milimo 16:6

Yapisile mu mpanga ya Fulugiya na Galatiya pano Mupasi Wamuzilo atayazumilizye ukukosola ilandwe mu muputule wa mpanga ya Asiya.

Milimo 18:24

Muyuda umwi, wi zina lyakwe Apolo, uwavyalilwe ku musumba wa Alekizandilya aiiza ku Efeso. Wali mucenjele mu kuvwanga nupya wamanyikisye na malembelo.

Milimo 19:10

Wacitanga vikwene kufika na pa myaka iili, na antu yonsi atenzi mu muputule wa mpanga ya Asiya, Ayuda na Akulukuwa kwene, yuvwile izwi lya Mwene.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 21:27

Lelo lino amanda cinimbali yali pipi nu kusila, Ayuda yamwi afumile ku mpanga ya Asiya yalola Paulo mu Ng'anda yakwe Leza. Yasongelekanya iumba lyonsi nga yalema Paulo.

Milimo 21:39

Paulo amwaasuka ati, “Nene mu Yuda, uwavyalilwe ku Taliso, mu mpanga ya Kilikya nupya nene mwina musumba umumanyike. Napapata leka ndande ku antu.”

Milimo 22:19

Nani mvwanga inti, ‘Mwene yamanya ningo vino nayanga mu mang'anda ya mapepo nu kulema nu kuma yao ataile munuli.

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Milimo 23:34

Mulasi awelenga kalata nga auzya Paulo pamulandu wa muputule wa mpanga kuno wafuma. Lino Mulasi uvwa vino wafuma ku Kilikya,

Milimo 24:18

Cali pa nsita ino nacitanga cii lino yanzanyile mu Ng'anda ikulu yakwe Leza ala nati mala kucita vya kuisangulula. Ntali pamwi ni umba, nupya kutali icimvulunganya.

Milimo 26:11

“Nupya maila aingi mu mang'anda ya mapepo nayazunyanga, kwezya kuti yafutatile utailo wao. Alino pano ukali wane walusya, lyene nayalondelelanga nu mu misumba yamu mpanga zyuze, ku kuyazunya.

Milimo 6:10

Lelo yaposiwe kumutonsya pano Mupasi Wamuzilo wamupile amano yakuvwangilamo.

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!

Galatiya 1:21

Pacisila cakwe cii nemo naile ku ncende zyamu Kilikya na Kilikya.