Milimo 6:14 - Amazwi Yakwe Leza 2013

¹⁴ Tuvwile akuti Yesu uwaku Nazaleti alomoola Ng'anda ikulu yakwe Leza nu kusenula intambi zitu zyonsi izyafumile kuli Mose!”

Milimo 6:14 ပူးပေါင်းရင်းမြစ်များ

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Yelemiya 26:12

Nawe Yelemiya panoli aasuka intunguluzi na antu yonsi ati, “Uwatantuma ukusema apa ng'anda ii na pa musumba uu amazwi yano mwatimuvwa, a Yawe.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Zakaliya 11:1

Yula ivisasa vyako, we Lebanoni, umoto woca imiti yako imikelide.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Mateo 26:61

ku kumulongwela. Mukusyalikizya, antu yaili yaile inkolelo yavwanga yati, “Muntu wii wavwanzile ati, ‘Ningomoola Ng'anda ikulu yakwe Leza nu kuikuula mu manda yatatu.’ ”

Mako 14:58

“Tuvwile akuti, ‘Ndomoola Ng'anda Ikulu yakwe Leza ino antu yakuuzile, nga nani ndakuula yuze mu manda yatatu, ino itangakuulwa na antu’”

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Luka 21:6

“Kasita kaliza kakwe vii vyonsi vino mukulola lino kutalaya iwe nanti lyonga ililasyala pi we lyuze. Yonsi kwene yalomoolwa.”

Yoane 2:19

Yesu nawe aasuka ati, “Omololini Ng'anda ii ikulu yakwe Leza, nani ndaikuula mu manda yatatu.”

Yoane 4:21

Yesu amunena ati, “Kaciwe, taila vino nkukunena ukuti kasita kaliza lino mutalapepa Tata pa mwamba uu, nanti mu Yelusalemu kwene.

Milimo 15:1

Antu yamwi afumile ku Yudeya iiza ku Antioki, yasambilizya ataile yati, “Mutalatuulwa ndi mutasilamwilwe kulingana nu lutambi luno Mose watusilile.”

Milimo 21:21

Yuvwa ukuti wasambilizyanga Ayuda yano aikala mu mpanga zya Akulukuwa kuti yasule Masunde yakwe Mose, ala ukuyanena ukuti yatasilamula ana yao nanti ukulondela intambi zya Ayuda.

Milimo 25:8

Lelo Paulo aitaasya ati, “Ntacita icintu cimwi ciipe pa masunde ya Ayuda nanti pa Ng'anda ikulu yakwe Leza nanti kuli Kesa kateeka uwaku Loma.”

Milimo 26:3

Pano wemo umanyile ningo ntambi ni vikanza vyonsi vya Ayuda. Caleka nakupapata kuti unguvwe nu kutekela.

Milimo 28:17

Pacisila ca manda yatatu, Paulo aama intunguluzi zya Ayuda. Lino zyakongana, azinena ati, “Mwe inane! Nemo indi kuno wa munyepwe kufuma ku Yelusalemu. Nanti angala ntasuzile mutundu witu nanti ntambi zino twapokelile kufuma ku vikolwe vitu, napiilwe mu makasa ya ina Loma.

Galatiya 3:19

Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Galatiya 3:23

Lino insita yali itali ifike, Masunde yatwangalilanga wa azya kufika na lino insita yafisile yakuti tutaile.