Milimo 5:40 - Amazwi Yakwe Leza 2013

⁴⁰ Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.

Milimo 5:40 ပူးပေါင်းရင်းမြစ်များ

Mapinda 12:10

Umuntu akacita vyaololoke akasakamala umi wa viteekwa vyakwe, lelo umunkalwe wene atavikwatila uluse, awe.

Ezaya 30:10

Yakanena yakalola yavilolwa, iyati, “Mute ukulola ivilolwa!” Nga na kuli yakasema nako iyati, “Mwemo mute ukutunena ivintu vyacumi, ivikatucisa uku myenzo. Mwemo mwatunena ivikatusansamusya. Muleke sile swemo twacita vino tuweni ukuti avino vyati vilola mwenemo.

Amosi 2:12

Lelo mwemo mwamwesizye Anazili yaya waini, nu kupeela ilamulo kuli yakasema ilyakuyalesya ukusema.

Mika 2:6

Antu iyavwanga kunondi yati, “Utasema, Utasema pa vintu vii. Ala swemo tutamazewana awe.

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Mateo 23:34

Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Mako 13:9

“Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Luka 20:10

Lino nsita yakuzombola yafika, atuma muomvi wakwe ku alimi kuti yakamupeleko mulingo wakwe uwa vizao vya matingi. Lelo alimi yamuma alino yamuzinga, nawe apita minwe mitupu.

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

2 Kolinto 11:24

Maila yasano Ayuda yangumile vikoti makumi yatatu na fundimbali.