Milimo 5:21 - Amazwi Yakwe Leza 2013

²¹ Lino atumwa yuvwa cii, pa macaca iingila mu Ng'anda ikulu yakwe Leza, yatandika kusambilizya. Simapepo mukulu na yano ali nawe yaama aikolo ya Ayuda yonsi pamwi kwi Tengo. Lyene yatuma antu ku ng'anda yaminyololo kuti yakalete atumwa kwi Tengo.

Milimo 5:21 ပူးပေါင်းရင်းမြစ်များ

Masamu 105:22

Apakuti asambilizye intunguluzi zyakwe ndi muno atemilwe, nu kupanda ivilolo vyakwe amalango yampomvu.

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Luka 22:66

Lyene lino waca, aikolo, yasimapepo akalamba, na yakasambilizya ya Masunde yakongana pali pamwi, yaleta Yesu mwi Tengo lyao.

Yoane 18:35

Pilato aasuka ati, “Uzye ukwelenganya vino nene Muyuda? Antu amu luko lwako nga na yasimapepo akalamba ali yano yapile wewe kunondi. Uzye icani cino watucita?”

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

Milimo 22:15

Pano uli nu kupeela umboni ku antu pamulandu na aliwe, pali vino watulola nu kuuvwa.

Milimo 22:5

Simapepo Mukulu pamwi na amwi Tengo yonsi yangancitila umboni ukuti nemo nkuvwanga icumi. Yene yampile makalata akuyalangizya ku Ayuda aina itu amu Damasiko. Caleka naile kuku kuti nkaleme antu kwene yaa, nga njalete ku Yelusalemu ale yanyefilwe mu minyololo, kuti yavunukwe.

Milimo 5:17

Lyene Simapepo Mukulu na yano wali nao nga na yao amwi umba lya Asaduki yaya nu uzuwa cuze pa atumwa. Caleka yelenganya kucitapo cimwi.

Milimo 5:27

Lino yafika pamwi nao, iingizya atumwa mwi Tengo, yaimika nkolelo yakwe yano ali mwi Tengo. Lyene Simapepo Mukulu ayauzya ati,

Milimo 5:34

Lelo wenga uwa munoyali, Mufaliseo izina lyakwe Gamalieli, uwali a kasambilizya wa Masunde wino antu yonsi yacindike cuze, aimilila mwi Tengo. Alino apeela ilamulo kuti yatale yafumye atumwa panzi.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.