Milimo 5:19 - Amazwi Yakwe Leza 2013

¹⁹ Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

Milimo 5:19 ပူးပေါင်းရင်းမြစ်များ

Masamu 146:7

Akapeela acule insambu zyao, ni cakulya uku yanzana.

Masamu 34:7

Umungeli wakwe Yawe akacingilila yayo akamoopa, nupya akayapususya.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Mateo 1:20

Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

Mateo 1:24

Lino Yosefu wazyuka mu tulo, acita vino mungeli wa Mwene wamunenyile, nga atwala Maliya.

Mateo 2:13

Lino antu yamano yaswilila kumwao, mungeli wa Mwene aloleka kuli Yosefu mu ciloto amunena ati, “Katuka, senda mwana na nyina utukila ku Eguputo. Kikale kweneko kufika lino ndakunena, pano Helodi amalondelezya ukuli mwana wiyo kuti amukome.”

Mateo 2:19

Lino Helodi wafwa, mungeli wa Mwene aloleka kuli Yosefu mu ciloto ku Eguputo.

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Luka 1:11

Mungeli wa Mwene aloleka kuli Zakaliya, aimilila kwi kasa lilunji lya kavuwa kakocelapo ubani.

Luka 2:9

Lilyo kwene mungeli aloleka kunoyali, nu lulumbi lwa Mwene luyengesa panoyali, nao yuvwa intete cuze.

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Milimo 16:26

Mu kupumikizya kwali cilundumusi cikulu, cino catensizye nu mufula wa ng'anda yaminyololo. Lilyo kwene imilyango yonsi iyulika, ni minyololo ipona ku anyepwe onsi.

Milimo 27:23

Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Milimo 8:26

Mungeli wa Mwene anena Filipo, ati, “Katuka uye ku kaeya, ku museo uwafuma ku Yelusalemu, uwaya ku Gaza.” (Museo uu utaciomviwa.)