Milimo 5:16 - Amazwi Yakwe Leza 2013

¹⁶ Alino maumba kufuma ku misumba izingulwike Yelusalemu, yaleta alwale yao nga na yano acuziwanga ni mipasi yankota. Lyene yonsi yapoziwa.

Milimo 5:16 ပူးပေါင်းရင်းမြစ်များ

Mateo 2:16

Lyene Helodi lino wamanya vino antu yamano yamutumpoka asoka cuze, atuma asilika yamwi ku kukoma ana yonsi aonsi ali ni myaka iili ya kuvyalwa nu kwiza pansi, ali mu Betelemu nu mu ncende izyapalime. Cii cali kulingana na vino antu yamano yamunenyile pamulandu na kasita, lino yaweni lutanda.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Mateo 8:16

Lyene manguzi yamuletela antu aingi ali ni mipasi yankota, nawe aifumya kwi zwi nga apozya na alwale onsi.

Luka 5:17

Uwanda umwi lino Yesu wasambilizyanga, Afaliseo na yakasambilizya ya Masunde yamwi apano yali. Yene yafumile mu mizi yonsi yamu Galile nu mu Yudeya nu ku Yelusalemu. Wene wapilwe amaka ya Mwene akupozya alwale.

Luka 6:18

iiza ku kumuvwa nu ku kupoziwa. Na yano kwene acuziwanga ni mipasi yankota iizile iyapoziwa.

Luka 9:11

Lelo lino maumba yamanya cii, yamulondela. Nawe ayazengela, ayasambilizya pamulandu wa Wene wakwe Leza, nga apozya na yao alondanga kupoziwa.

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

Milimo 5:15

Pamulandu wa milimo ino atumwa yacitanga, antu yaleta alwale yao mu miseo yayalalika pa vitala na pa vintamba pakuti lino Petulo akupita, cinzingwa cakwe ciwile pali yamwi.

Milimo 5:17

Lyene Simapepo Mukulu na yano wali nao nga na yao amwi umba lya Asaduki yaya nu uzuwa cuze pa atumwa. Caleka yelenganya kucitapo cimwi.

1 Kolinto 12:9

Mupasi Wamuzilo ali umwi kwene akapeela utailo ku umuntu wenga, nga ku muntu muze nako akapeela maka akupozya ndwala.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.