Milimo 5:14 - Amazwi Yakwe Leza 2013

¹⁴ Lelo antu nayauze ataile mu Mwene, yailundanyanga kwi umba nu kuluta. Lyali iumba likulu lya onsi na anaci kwene.

Milimo 5:14 ပူးပေါင်းရင်းမြစ်များ

2 Samueli 6:19

Lyene aankanya antu yonsi ivyakulya. Cila muntu wensi umu Izlaeli amupeela umukate pamwi ni cifwa ca nyama iyoce ukwika penepo na kacikamangwa ka viseekwa vya matingi.

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Neemiya 8:2

Acino Ezila nawe ali pakuleta ulupapulo lwa masunde kuno iuvi lyakongine. Kwali kweneko aonsi, anaci kumwi na ance ali na mano akuuvwa. Cali apa wanda wakutandika umu mwezi wakwe cinimbali.

Kufuma 35:22

Alino yonsi akasi yiiza, aonsi na anaci kwene. Cila muntu kulingana nu kulonda kwakwe aleta vyakuyemvya vyakuzwala, amaelena, vilemelo, ukasi wakuzwala mu nsingo, ni viyembelo vyuze vyakwe zaabu. Cila muntu aleta vyakwe zaabu vino wapaatwile wa wila wakuswelwila Yawe.

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

Milimo 11:24

Banaba wali umuntu musuma, uwazuziwe na Mupasi Wamuzilo, nga nu utailo. Antu aingi yataile mu Mwene.

Milimo 2:41

Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Milimo 22:4

Nazunyanga nu kukomisya yamwi alondelanga nzila ya Mwene. Nalemanga aonsi na anaci nu kuyayalila mu ng'anda yaminyololo.

Milimo 4:4

Lelo antu aingi auvwile Ilandwe lilya yataile, ni mpendwa ya alondezi ikulilako kufika manye mazimbi yasano.

Milimo 6:7

Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.

Milimo 8:12

Lelo lino yataila kukosola kwakwe Filipo pi Landwe Lisuma lya Wene wakwe Leza nga na pi zina lyakwe Yesu Klistu, yawatiziwa onsi, aonsi na anaci.

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Milimo 9:35

Alino antu yonsi aikalanga mu Lida nu mu muputule wa mpanga ya Syaloni yalola Eneya. Awe yataila yasenukila ku Mwene.

Milimo 9:42

Lyene impwelo ya pali cii isalangana konsi mu Yopa, antu aingi yataila mu Mwene.

2 Kolinto 6:15

Uzye Klistu a cuza wakwe Satana? Uzye ataila Mwene yangalemana uli na antu atamutaila?

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.