Milimo 4:7 - Amazwi Yakwe Leza 2013

⁷ Alino iimika atumwa pakasi yayuzya yati, “Uzye uku maka cii nanti mwi zina lyakwe weni muno mwacitila ca musango uu?”

Milimo 4:7 ပူးပေါင်းရင်းမြစ်များ

Kufuma 2:14

Muntu wilya aasuka Mose ati, “Uzye aweni uwakupeela maka akupingula panotuli? Uzye ukulonda unkome wakwe vino wakomile mwina Eguputo wilya?” Lyene Mose auvwa intete, nga aelenganya ati, “Antu yatiyamanya vino nacisile.”

Mateo 21:23

Lino wingila mu Ng'anda ikulu yakwe Leza, yasimapepo akalamba na aikolo ali ntunguluzi zya antu iiza kunoli ala akusambilizya, yamuzya yati, “Uzye maka cii yano ukweti akucita vintu vii? Uzye aweni uwakupeela maka kwene yaa?”

Mako 11:28

yamuzya yati, “Uzye maka cii yano ukweti akucita vintu vii? Uzye aweni uwakupeela maka kwene yaa?”

Yoane 2:18

Lyene Ayuda yamunena yati, “Uzye cilangililo cii cino ungacita pakuti tumanye vino ukweti nsambu yakucita vii?”

Yoane 8:3

Yakasambilizya ya Masunde na Afaliseo yaleta umwanaci wino walemilwe ala akulongozya. Alino yamwimika inkolelo yakwe onsi.

Yoane 8:9

Nao lino yuvwa cii, yonsi kwene yafuma wenga wenga, kutandika ku mukalamba kufika nu ku munono. Yesu asyala wenga nu mwanaci ala aimi papa kwene.

Milimo 4:10

lyene mulinzile kumanya, nga na antu yonsi aina Izlaeli nao kwene yamanye vino umuntu wii wino aimi nkolelo inu watapola ningo ku maka aya mwi zina lyakwe Yesu Klistu uwaku Nazaleti. Yesu wino mwatanyile pa lupanda, wino Leza wazyukwile kufuma ku afwe.

Milimo 4:6

Yakongine pamwi na Anasi uwali Simapepo Mukulu na Kayafa, Yoane, Alekizanda, nga na akazi kakwe Simapepo Mukulu.

Milimo 4:8

Petulo azuziwa na Mupasi Wamuzilo, nga aasuka ati, “Mwe ntunguluzi na mwe ikolo,

Milimo 5:40

Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.