Milimo 4:34 - Amazwi Yakwe Leza 2013

³⁴ Kutali nanti umwi uwa munoyali wino ulilwe cimwi. Pano yao akweti vyalo nanti mang'anda, yakazizye, alino yatoola ni mpiya zino zyafumile muli vino yakazizye

Milimo 4:34 ပူးပေါင်းရင်းမြစ်များ

Mateo 19:21

Yesu nawe amunena ati, “Ndu kasi ukuya mufumaluke, yanga kakazye vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Mako 10:21

Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Luka 16:9

Caleka namunena ukuti muomvye vyuma vya ucenjezi mu kwandana ucuza, pakuti lino vyuma vyasila yakamupokelele mu ng'anda yape.

Luka 22:35

Lyene Yesu ayauzya ati, “Lino namutumile kwaula kusenda cikwama, nanti mufuko wa kulengelamo vimwi, nanti ndyatu, uzye muulilwe cimwi?” Nao yaasuka yati, “Awe.”

Milimo 2:45

Yakazyanga vyuma vyao nu kwankanya impiya kuli yonsi kulingana na vino cila muntu ulilwe.

Milimo 4:37

Nawe akazya calo cino wakweti, atoola ni mpiya azileta ku atumwa, nga ayapeela.

2 Kolinto 8:14

mwayankanyako yauze vintu lino mukweti vingi, na lino yene aulilwe. Lyene namwe lino mululilwa, lino nao yalakwata vingi, yalamwazwa. Mu musango uu, mwensi mulalingana kukwata.

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

1 Tesalonika 4:12

Lyene mulacindikwa na antu yano atataila, nupya mutalalonda uwazwilizyo kufuma ku muntu ali wensi.

1 Timoti 6:19

Mu musango uu amuno yene yalaitulikila cuma cino cilaya wa mufula ukome uwa manda akwiza, kuti lyene yakapelwe umi wape uwa cumi.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.