Milimo 4:29 - Amazwi Yakwe Leza 2013

²⁹ Na ndakai, Mwene, lola ingofyo zino yacisile, utuzumilizye swe aomvi yako, kuti tukosole ilandwe lyako nu kuposya konsi.

Milimo 4:29 ပူးပေါင်းရင်းမြစ်များ

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Nyimbo zya ndosya 3:50

mpaka sile lino Mwene alasungamila ukufuma ukwiyulu nu kutulolekesya penepo.

Nyimbo zya ndosya 5:1

We Yawe, uwaiusya ivyatucitikile. Lolekesya, ngulole ukucula kwitu.

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 14:3

Paulo na Banaba yatenzi kweneko pa nsita ntali, ala aingi yakuvwanga nu kupama pamulandu wa Mwene. Mwene nawe ayapeela maka akucita vinjelengwe ni vizungusyo kuti apeele umboni vino kuvwanga kwao pamulandu wa cikuku cakwe ukwa cumi.

Milimo 19:8

Lyene Paulo aya mu ng'anda ya mapepo ya Ayuda, nga pa myezi itatu avwanga ku antu nu kupama ala akwezya na maka ukuyatonsya pamulandu wa Wene wakwe Leza.

Milimo 26:26

Mwene Agilipa! Ningavwanga kunuli nu kupama, pano umanyile vintu vii. Nati nsininkizya ukuti pasi cimwi cino utamanyile, pano vintu vitacitikile mu umfisolo.

Milimo 28:31

Wakosolanga pamulandu wa Wene wakwe Leza nu kusambilizya ivya pamulandu wa Mwene Yesu Klistu, ala akulanda nu kupama ukwaula umwi uwakumulesya.

Milimo 4:13

Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.

Milimo 4:21

Alino amwi Tengo yayofya nu kuyasoka, nga yayata yapita. Yatazanyile mulandu uwa kuyavunuka, pano antu yonsi yatasyanga Leza pali cino icacitike.

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

Milimo 9:27

Lyene Banaba amutola, amusenda ku atumwa nga ayalondolwela vino Saulo waweni Mwene mu nzila, vino Mwene wamuvwanzizye, na vino mu Damasiko wali umupame pa kukosola mwi zina lyakwe Yesu.

Milimo 9:28

Alino Saulo aikala nao, apitana konsi mu Yelusalemu, ala akukosola nu kupama mwi zina lya Mwene.

1 Kolinto 14:13

Caleka, umuntu wino akalandila mu ndimi zitamanyika, alinzile kupepa kuti apelwe wila wakulondolola vino akulanda.

2 Kolinto 3:12

Pamulandu wakuya nu upaalilo uu, twati tupama cuze.

Filipi 1:14

Nupya cii cati cilenga kuti aina itu aingi yakule mu utailo yakosola ilandwe insita zyonsi kwaula intete.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.