Milimo 4:28 - Amazwi Yakwe Leza 2013

²⁸ Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Milimo 4:28 ပူးပေါင်းရင်းမြစ်များ

Utandiko 50:20

Mumine akapi ukucita uyi kunondi, lelo Leza ausenula ukuya usuma, pakuti atuule umi wa antu avule yano ali nu umi pa wanda wilelo.

Yobo 12:13

Lelo Leza aliwe waya na maka nga na mano. Tungapandwa amano nu kusambilila umpandamano kunoli.

Masamu 76:10

Cumi kwene, ukali wako apa antu ukalenga kuti yakulumbanye, Yao akapusuka uku zya nkondo yalatwalilila ukwiusya amanda akulu akwako.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Ezaya 14:24

Yawe Wamaka yonsi walapa wati, “Umu cumi vino napanga vilacitika, na vino napingula vilafikiliziwa.

Ezaya 28:29

Amano akuombela vivyo vyonsi wafumya kuli Yawe Wamaka yonsi. Vino Leza wateyanya ivyamano yatupu nupya vikaomba ningo insita zyonsi!

Ezaya 37:26

Ee, kwene nanti ungalanda vyonsi vivyo, uzye wemo utatala uvwa ukuti ne Yawe Leza anene nateinye vivyo vyonsi mpiti? Ala anene kwene nasuka nafikilizya napali ndakai kwene. Anene nakupiile amaka akuwisya imisumba ya malinga, apakuti pangasyala sile imitumba ya vitalang'anda.

Ezaya 40:13

Uzye aweni uwatala apanda Yawe amano? Aweni wino watala wasambilizya Yawe, nanti ukumunena vimwi vimwi?

Ezaya 46:10

Ukutandikila sile na pa mpiti nemo nkavwanga calimwi ivili nu kucitika. Ukutandikila sile na pa mpiti nemo nkalondolwela calimwi ivili nu kucitika. Nkalanda ukuti vino nkapanga ukucita ala vilacitika. Nkacita na vyonsi vino nkulonda ukucita.

Ezaya 5:19

Apali ponga na yayo atemwa ukuvwanga yati, “Si Leza ale acincile ale, apitisye ukucita vino akalonda ukucita, uleke tumulozye. Leza wamuzilo uwa ina Izlaeli si alukucita vino wapanga ukucita! Katulole ivyaya mu mano yakwe.”

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Mateo 26:54

Lelo malembelo asowela kuti cilinzile cicitike ndi cikwene, yangafikiliziwa uli?”

Luka 22:22

Mwana wa Muntu alafwa wakwe vino Leza wapingula, lelo kalanda ku muntu wino amamukoopa!”

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.