Milimo 4:24 - Amazwi Yakwe Leza 2013

²⁴ Lino alondezi yacuvwa, yonsi yasanzika izwi, yapepa kuli Leza yati, “Mwene we muno waumvile iyulu, insi, na yemba na vyonsi ivyayamo,

Milimo 4:24 ပူးပေါင်းရင်းမြစ်များ

2 Yamwene 19:15

Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Yelemiya 20:13

Imbilini Yawe! Lumbanyini Yawe! Wene akapususya yayo atitikiziwa ku maka ya antu aipe.

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Milimo 16:25

Pa nsita imwi, manye usiku pakasi, Paulo na Sailasi yapepanga nu kwimba inyimbo kuli Leza, na anyepwe yauze yakutikanga kunoyali.

Milimo 4:23

Lilyo kwene lino yasapulwa, Petulo na Yoane yaswilila kwi umba lya alondezi, yayalandila na vyonsi vino ya Simapepo akalamba na ikolo yayanenyile.