Milimo 4:12 - Amazwi Yakwe Leza 2013

¹² Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Milimo 4:12 ပူးပေါင်းရင်းမြစ်များ

Utandiko 7:19

Amanzi yavula yavimba ni myamba italimpe cuze.

Yobo 41:11

Uzye aweni angiza ailizyanye pali nene, pano ivintu vyonsi pano pansi ivyakwane.

Masamu 45:17

Ica cumi, ulwimbo lwane lulaleka ukuti uce ulumbuke amanda pe, nu kulenga ukuti antu yonsi yace yakulumbanya amanda pe.

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

Milimo 2:5

Mu Yelusalemu mwali Ayuda, yakapepa acindike Leza, yao afumile ku mpanga zyonsi zya muno nsi.

1 Kolinto 3:11

Pano Leza wimba mpiti mufula onga sile, nu mufula uu, a Yesu Klistu nga kusi mufula na uze uno ungimbwa.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.