Milimo 3:19 - Amazwi Yakwe Leza 2013

¹⁹ Caleka zenzukini, nu kuswilila kuli Leza pakuti nawe amwelele maifyo inu,

Milimo 3:19 ပူးပေါင်းရင်းမြစ်များ

Masamu 103:12

Ndi vino ufumondaka watalukana nu uwondaka, avino nawe akafuntusya uyi kunotuli.

Masamu 51:13

Alino ndalanga aipe inzila zyako, na yakacita ya viipe yalaweluluka kunuli.

Masamu 51:9

Funtusya usyu wako kunondi, uku kulolekesya uku maifyo yane. Kumbula uyi wane onsi.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 51:11

Fwandi antu yano wakulwile yalasuka yawele, umu musumba wa Yelusalemu. Yaliza ale yakwimbila inyimbo, yakumila nu tupundu. Yalasansamuka pee, yatalatala nupya yaye inkumba ulili foo, nupya kutalaya nantu ukucula.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ezaya 61:9

Yene yamalumbuka wakwe cimwi ku antu ya mitundu yuze. Yonsi yano yamayalolanga yamasininkizya ukuti mucumi ali antu yano napolelela.”

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Nyimbo zya ndosya 3:40

Ala lekini twaelenganya apa miyele itu, apakuti twaweluluka ku Mwene.

Nyimbo zya ndosya 5:21

Ungala utuwezezye kunuli, we Mwene! Tuwezye! Tuwezezye ululumbi lwitu ulwa mpiti.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Danieli 9:13

Ndi vino calembwa mu Masunde yakwe Mose, uononesi uu onsi watuponela, lelo na ndakai kwene, we Mwene, tutezya ukukuzanzya apa kuzenzuka ku maifyo itu nu kusumbako amano ku cumi cako.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Mateo 18:3

Ayanena ati, “Cumi namunena, ndi mutasenwike nu kuicefya wa ana anono, mutalingila mu Wene wa mwiyulu.

Luka 1:16

Alasenula aina Izlaeli aingi kuti yawelele ku Mwene Leza wao.

Luka 22:57

Lelo Petulo akana ati, “Mwanaci we, nemo ntamanyile umuntu wiyo.”

Milimo 1:6

Walanga atumwa yakongana pamwi na Yesu, yamuzya yati, “Mwene, uzye lyene umawezezya Uwene ku Izlaeli?”

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 11:21

Amaka ya Mwene yali nao, na antu aingi cuze yataila yaseleukila ku Mwene.

Milimo 15:3

Amwi uvi yayasukilila pa lwendo, yasalala mu Fonisya na Samaliya ala yakulandila ataile vino Akulukuwa yataile muli Leza, ilandwe lii lizanzya ataile.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Milimo 28:27

Pano mano yao yakupa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, na kuzenzuka yangazenzuka, nani ningayapozya.’”

Milimo 3:20

na pakuti Leza amupeele upemwilo uwaku Mupasi nga nu kutuma Yesu. Wene ali Katula uwalavilwe wino wasolola pamulandu winu.

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

2 Tesalonika 1:10

Cii cilacitika pa wanda ulya lino Mwene aliza kuti apelwe lulumbi ku antu yakwe yonsi nga nu mucinzi kufuma kuli yonsi ataila. Namwe kwene mulapendelwako, pano mwataile vino twamunenyile.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

2 Petulo 3:8

Lelo mwe yacuza akundwe, mutailila cintu conga! Kuli Leza wanda onga waya wa myaka izimbi, nga ni myaka izimbi yaya wa wanda onga.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”