Milimo 3:14 - Amazwi Yakwe Leza 2013

¹⁴ Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

Milimo 3:14 ပူးပေါင်းရင်းမြစ်များ

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Mateo 27:20

Alino yasimapepo akalamba na ikolo yatunkola iumba kuti lilenge Pilato kuti ayasapwile Balaba, lelo Yesu wene akomwe.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Mako 15:11

Lelo yasimapepo akalamba yatunkola iumba kuti lilenge Pilato kuyasapwila Balaba.

Mako 15:7

Lelo pali umuntu umwi, zina lyakwe a Balaba, wino wali mu ng'anda yaminyololo pamwi na antu asangukile uteko nu kukoma antu mu mpanzela.

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 23:25

Ayasapwila umuntu wino yalondanga, wiyo uwanyefilwe pamulandu wa kusangukila uteko nga na pamulandu wa kukoma. Lelo apeela Yesu kunoyali, kuti yacite mwaelile kulonda kwao.

Yoane 16:10

Yene aponge pamulandu wa kuntamanya vya wololoke, pano nemo nkuya kuli Tata nga mutalandola nupya.

Yoane 18:40

Nao yasanzika mazwi yao, yaasuka yati, “Awe, wene foo! Tukulonda Balaba!” (Balaba wali cipondo.)

Milimo 13:28

Nanti angala yatazanyile mulandu wa kumupingwila ukufwa, yuzya Pilato kuti apeele ilamulo kuti akomwe.

Milimo 2:27

pano we Mwene Leza utalansya ku Gehena, nanti kuleka muomvi wako Wamuzilo aole mwi lindi.

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 2:1

Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.