Milimo 3:13 - Amazwi Yakwe Leza 2013

¹³ Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Milimo 3:13 ပူးပေါင်းရင်းမြစ်များ

Kufuma 3:13

Lelo Mose anena Leza ati, “Ndi naya ku ina Izlaeli nu kuyanena inti, ‘Leza wa vikolwe vinu watantuma kunomuli,’ nayo yalanguzya yati, ‘Uzye izina lyakwe aweni?’ Uzye lyene ndayanena ntuuli?”

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Mateo 27:2

Alino yamunyepa yamusenda, nu kumupeela kuli Pilato uwali mulasi.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mako 15:11

Lelo yasimapepo akalamba yatunkola iumba kuti lilenge Pilato kuyasapwila Balaba.

Luka 22:57

Lelo Petulo akana ati, “Mwanaci we, nemo ntamanyile umuntu wiyo.”

Luka 23:4

Lyene Pilato anena yasimapepo akalamba nga ni iumba ati, “Umuntu wii ntamuzanyile nu mulandu.”

Luka 6:37

“Mutapingula auzo, nga Leza nawe atalamupingula. Mutavunuka auzo, Leza nawe atalamuvunuka. Mwaelela auzo, namwe Leza alamwelela.

Yoane 12:16

Pa kasita kaka alondezi yakwe yatilwike vintu vii. Lelo lino Yesu watumpwilwe nu kupelwa lulumbi, yene iusya vino malembelo yalanda cii pali aliwe, nga na vino yamucitile vintu vii.

Yoane 18:40

Nao yasanzika mazwi yao, yaasuka yati, “Awe, wene foo! Tukulonda Balaba!” (Balaba wali cipondo.)

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Yoane 19:12

Lyene lino Pilato uvwa cii, aezya kulonda inzila yakuti asapule Yesu. Lelo iumba lisanzika izwi liti, “Ndi umamusapula, ale usi cuza wakwe Kesa! Wino wensi akuitaka vino wene mwene ala akusangukila Kesa!”

Yoane 19:15

Caleka yasanzika mazwi yao yati, “Mukome! Mukome! Atanwe pa lupanda!” Pilato ayauzya ati, “Uzye mukulonda ntane mwene winu pa lupanda?” Yasimapepo akalamba yaasuka yati, “Tutakweti mwene muze suka Kesa!”

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Milimo 24:14

Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 3:12

Lino Petulo walola antu ayauzya ati, “Mwe ina Izlaeli, uzye pacani mukuzunguka pali vii? Uzye pacani mukutulolekesya kwati mu maka itu nanti ukapepa witu wacilamo vyati vilenga kuti aapita?

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

Milimo 7:32

‘Nene Leza wa vikolwe vyako, Leza wakwe Abulaamu, Isaki, na Yakobo.’ Mose auvwa intete azakaza, nga ataposizye kuti alolekesye.

Loma 9:5

Yene ivizikulula vya vikolwe vitu vilumbuke, na Klistu kwene uwamu mupanda wa mutundu wao. Leza, wino waya na maka pali vyonsi, alumbanyiwe manda pe! Ameni.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu