Milimo 3:11 - Amazwi Yakwe Leza 2013

¹¹ Lino umuntu wii acilemelile Petulo na Yoane, antu yonsi yazunguka cuze, nga yasimwila kunoyali, ku lukungu luno lwamwangwa ukuti Lukungu lwakwe Solomoni.

Milimo 3:11 ပူးပေါင်းရင်းမြစ်များ

Yelemiya 26:9

Uzye pacani cino wasemela mwi zina lyakwe Yawe ukuti Ng'anda ino ikulu yakwe Leza ilaya waku Syilo, nu musumba uu ulasanguka wa lwanga umutanga mwikale umuntu?” Lyene antu yonsi yaunganila Yelemiya.

Luka 22:8

Alino Yesu atuma Petulo na Yoane, ayanena ati, “Yangini mukatuteyanyizizye umwakulila Cimulo ca Ucilo.”

Luka 8:38

Lyene umuntu wino mipasi yankota yafumilemo, apapata Yesu ati, “Leka nkulondele.” Lelo Yesu amukanya ati,

Yoane 10:23

Yesu wapitananga mu Ng'anda ikulu yakwe Leza, mu lukungu lwakwe Solomoni.

Milimo 2:6

Lino yuvwa congo, iumba likulu likongana nu kusamwa pano umuntu wensi uvwile ya kuvwanga mu lulimi lwakwe.

Milimo 3:12

Lino Petulo walola antu ayauzya ati, “Mwe ina Izlaeli, uzye pacani mukuzunguka pali vii? Uzye pacani mukutulolekesya kwati mu maka itu nanti ukapepa witu wacilamo vyati vilenga kuti aapita?

Milimo 3:3

Wene lino walola Petulo na Yoane yakwingila ayalenga kuti yamupeleko cimwi.

Milimo 3:4

Lyene yamulolekesya, nga Petulo amunena ati, “Lola kunotuli.”

Milimo 5:12

Atumwa yacita vinjelengwe nga ni vizungusyo ivingi pakasi ka antu. Alondezi yonsi yakongana pamwi ni lango lyonga mu Lukungu lwakwe Solomoni.