Milimo 3:1 - Amazwi Yakwe Leza 2013

¹ Wanda umwi Petulo na Yoane yayanga ku Ng'anda ikulu yakwe Leza pa 3 koloko amanguzi, nsita ya mapepo.

Milimo 3:1 ပူးပေါင်းရင်းမြစ်များ

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

Masamu 55:17

Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Kufuma 29:39

Mwana wa mfwele umwi uwamutwala katondo, nu muze manguzi.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.

Mpendwa 28:4

Imfwele, suuku wenga, ali mpolelwa yakungocela akatondo, nga muze nawe amanguzi.

Mateo 17:1

Pacisila ca manda mutanda Yesu asenda Petulo, Yakobo na Yoane mwina wakwe ayatungulula yaya pa mwamba utali, kuno yene yali onga.

Mateo 26:37

Alino asenda Petulo na ana yakwe Zebedi yaili, nga atandika kunyunguluka nu kusakamikwa,

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Luka 1:10

Lyene iumba lyonsi lya antu lyali panzi, ala likupepa pa kasita ka koca ubani.

Luka 18:10

“Kwali antu yamwi yaili yano aile ku ng'anda yakwe Leza kukupepa. Wenga wali u Mufaliseo, nu muze wali a kasonkisya.

Luka 22:8

Alino Yesu atuma Petulo na Yoane, ayanena ati, “Yangini mukatuteyanyizizye umwakulila Cimulo ca Ucilo.”

Luka 24:53

nu kusumba nsita yao ya mapepo lyonsi mu Ng'anda ikulu yakwe Leza, ala yakulumbanya Leza.

Yoane 21:7

Alino mulondezi wino Yesu watemilwe kuluta anena Petulo ati, “Ala wii Umwene!” Lino Simoni Petulo uvwa vino umuntu wii Umwene, azwala ikoti (pano walanga watasamwila) nga aisumba muli yemba.

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 10:30

Konelio aasuka ati, “Cali pacisila ca manda yani lino napepanga mu ng'anda yane manguzi, ni nsita yakwe 3 koloko. Umukupumikizya umuntu uwazwite insalu ziyengese aimilila nkolelo yane

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Milimo 3:3

Wene lino walola Petulo na Yoane yakwingila ayalenga kuti yamupeleko cimwi.

Milimo 3:4

Lyene yamulolekesya, nga Petulo amunena ati, “Lola kunotuli.”

Milimo 4:13

Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.

Milimo 5:25

Lyene umuntu umwi aiiza ayanena ati, “Uvwini! Antu yano mwayalile mu ng'anda yaminyololo yali mu Ng'anda ikulu yakwe Leza, yakusambilizya antu.”

Milimo 8:14

Atumwa amu Yelusalemu yuvwa ukuti antu amu Samaliya yapokelela izwi lyakwe Leza. Caleka yatuma Petulo na Yoane kunoyali.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.