Milimo 26:29 - Amazwi Yakwe Leza 2013

²⁹ Paulo aasuka ati, “Nanti pa kasita kanono nanti nsita ntali, ipepo lyane kuli Leza ilyakuti wewe na yao yonsi asyala, mwe muno mu kuuvwa kunondi ilelo mungaya wakwe vino indi, suka sile kuntanyepwa mu minyololo ii!”

Milimo 26:29 ပူးပေါင်းရင်းမြစ်များ

2 Samueli 18:33

Umwene anyomelwa cuze na malanda. Alino aya ku muputule ukupuzya pa wingililo, nga alila. Lino akupita ale akupunda ati, “Iye umwana wane Abusalomu, umwana wane Abusalomu! Si cange cizipe nene imfwe ukuluta kuti wewe ufwe, we mwana wane Abusalomu, we mwana wane!”

2 Yamwene 5:3

Lyene umukazyana wilya anena umuci wakwe Naamani ati, “Cingazipa kuti umusambazi wane apite ku Samaliya, kuti akalolane na kasema! Wene amaya akamupozye tembwe wino akweti.”

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 38:20

Yelemiya wamwasuka wati, “Utalapeelwa mu makasa yao foo. Wemo ule uvwe sile izwi lyakwe Yawe ndi muno namakunenela, apakuti cikuzipile, upususye umi wako.

Mpendwa 11:29

Lelo Mose amwaasuka ati, “Si uvwa uzuwa pali nene? Si cange cizipe ndi antu yonsi yakwe Yawe yaya yakasema, yapeelwa nu mupasi wakwe!”

Yoane 5:34

Asi kuti nemo nkalonda umboni wa muntu, lelo nkulanda sile vii pakuti mungatuulwa.

Milimo 12:6

Usiku lino utali uce pa wanda uno Helodi walondanga kumuleta kuti amuvunuke pa manso ya antu, Petulo waizi pakasi kakwe yakalinda yaili. Wanyefilwe ni minyololo iili, kwali na yakalinda pa mpongolo ya ng'anda yaminyololo.

Milimo 21:33

Lyene musika mukalamba aya kuli Paulo, amulema, nga apeela ilamulo kuti yamunyepe mu minyololo iili. Lyene auzya ati, “Uzye umuntu wii, aweni, nupya icani cino watacita?”

Milimo 25:14

Lino ikalako manda yamwi, Fesito alondolwela mwene Agilipa mulandu wakwe Paulo ati, “Kuli umuntu umwi wino Felikisi wasya mu ng'anda yaminyololo.

Loma 10:1

Inane kulonda kwa mwenzo wane ni pepo lyane kuli Leza, pa ina Izlaeli onsi, ilya kuti yatuulwe.

1 Kolinto 4:8

Uzye mukweti vyonsi vino mukalonda? Uzye mwati muya akama? Uzye mwati muya yakateeka kwaula sweswe? Nanti swemo tusivivyo? Endi, vino nalondesya kuti muye yakateeka, pakuti naswe kwene tungaya yakateeka pamwi namwe.

1 Kolinto 7:7

Endi! Nemo ningatemwa ndi cakuti antu yonsi yakolana nani. Lelo Leza wapela uwila uiyele kuli cila muntu, onga ku muntu wenga nga nauze kuli muze.

2 Kolinto 11:1

Nkupaalila ukuti mumanzumilizya nanti angala nene mutumpe. Namupapata munzumilizye!

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.