Milimo 26:24 - Amazwi Yakwe Leza 2013

²⁴ Lino Paulo atali kuti amale kuitaasya ndi vii, Fesito asanzika izwi ati, “Paulo, siwapena! Kusambilila kwako kukulu kumakupenya.”

Milimo 26:24 ပူးပေါင်းရင်းမြစ်များ

2 Yamwene 9:11

Alino Yeu aswilila ku ikolo yauze, nga nayo yamuzya yati, “Uzye kunufumile ukwacele? Uzye cipena wilya walaizile cani kunuli?” Yeu nawe aasuka ati, “Mwamanya umuntu wilya kumwi ni mvwango zyakwe.”

Yelemiya 29:26

“Yawe wakusolwile wewe ukuya simapepo apa cifulo cakwe Yeoyada apakuti waangalila ing'anda yakwe Yawe, nu kuti unganyepa cipena wensi mu minyololo wiyo uwaituntumba ukuya wakwe kasema.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Mako 3:21

Lino akazi kakwe yuvwile pali cii, iiza kuti yamutole, pano antu yatangi, “Watapena!”

Yoane 7:15

Ayuda yazunguka cuze, yavwanga yati, “Uzye umuntu wii wamanya uli malembelo, vino atasambilila?”

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Yoane 8:52

Ayuda yati, “Ndakai twamanya nu kusininkizya vino uli nu mupasi wankota! Abulaamu wafwa, na yakasema nao yafwa nga nawe wavwanga wati, wino wensi, akayela mazwi yako wene atalafwa.

Milimo 17:32

Lino yuvwile Paulo akulanda pa kuzyukuka kufuma ku afwe yamwi yamusoweka, lelo yamwi yamunena yati, “Nupya tungatemwa ukuvwa vino walanda.”

Milimo 22:1

“Inane na yatata, uvwini kunondi lino inkuivwangila kunomuli!”

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 26:11

“Nupya maila aingi mu mang'anda ya mapepo nayazunyanga, kwezya kuti yafutatile utailo wao. Alino pano ukali wane walusya, lyene nayalondelelanga nu mu misumba yamu mpanga zyuze, ku kuyazunya.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

1 Kolinto 4:10

Pamulandu wakwe Klistu antu yakutulola wa viwelewele. Lelo mwemwe yamano muli Klistu! Swemo sweswe atonte, lelo mwemo mwemwe yakomeleke! Swemo twasulwa, lelo mwemo mwacindikwa.

2 Kolinto 5:13

Ndi twaloleka avulungane ale pamulandu twacindika Leza. Lelo ndi twaloleka amano ale pamulandu wakumwazwa.

2 Timoti 3:15

nupya ukaiusya ukuti kufuma lino wali mwana munono, wemo wamanya Malembelo Amuzilo, yano yangakupeela mano akukutungulula ku kukwata utailo muli Klistu Yesu kuti akutuule.