Milimo 26:20 - Amazwi Yakwe Leza 2013

²⁰ Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 26:20 ပူးပေါင်းရင်းမြစ်များ

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Nyimbo zya ndosya 3:40

Ala lekini twaelenganya apa miyele itu, apakuti twaweluluka ku Mwene.

Oseya 12:6

Lelo mwe amu mupanda wakwe Yakobo, sintililini muli Leza nu kuwela kunoli. Mwatemwana nu kucita vya ulungi, muye acumi kunoli nu kuteeka imyenzo insita zyonsi.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 3:8

Mwaomba imilimo isuma yakulanga vino mwati muzenzuka.

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Mako 6:12

Caleka yapita nu kukosola kuti antu yazenzuke.

Luka 1:16

Alasenula aina Izlaeli aingi kuti yawelele ku Mwene Leza wao.

Luka 13:3

Namunena nati, awe. Lelo ndi mutangazenzuka, mwensi kwene mulalowa wakwe vino yalovile.

Luka 13:5

Namunena nati, awe. Lelo ndi mutangazenzuka, mwensi kwene mulalowa wakwe vino yalovile.”

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

Luka 15:7

Mu musango uli onga, namunena vino, kulaya insansa zingi mwiyulu pali kaifya wenga uwazenzuka kuluta antu makumi fundimbali na fundimbali acindame yano yakaelenganya ukuti citakulondekwa kuti yazenzuke.

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 15:19

Yakobo atwalilila kuvwanga ati, “Ukwelenganya kwane ukwakuti, tutalinzile kwanola Akulukuwa yano akusenukila kuli Leza.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Milimo 26:17

Ndakupususya ku antu amu mutundu wako nu ku Akulukuwa, yao yano ndakutumako.

Milimo 26:19

“Acino mwene Agilipa, ntakanyile kuyela icilolwa cino Leza wandanzile kufuma kwiyulu.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Milimo 9:35

Alino antu yonsi aikalanga mu Lida nu mu muputule wa mpanga ya Syaloni yalola Eneya. Awe yataila yasenukila ku Mwene.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

2 Kolinto 3:16

lelo muntu ndi waseleukila ku Mwene alino insalu ino ikavimba ikafumiwapo.

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 2:21

Namupeela kasita kuti azenzuke, lelo wene asyalonda kufuma ku ulongozyo wakwe.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.

Umbwilo 3:3

Acino iusya vintu vino wasambiliziwe na vino uvwile. Uwayela vintu vivyo nupya uzenzuke. Ndi utazyusile, ndiza panuli wa mwivi, nupya utalamanya insita ino ndizilapo.