Milimo 26:11 - Amazwi Yakwe Leza 2013

¹¹ “Nupya maila aingi mu mang'anda ya mapepo nayazunyanga, kwezya kuti yafutatile utailo wao. Alino pano ukali wane walusya, lyene nayalondelelanga nu mu misumba yamu mpanga zyuze, ku kuyazunya.

Milimo 26:11 ပူးပေါင်းရင်းမြစ်များ

Masamu 102:8

Anisi yane yakantukola umusanya onsi. Yayo antasyanga mpiti, Ali yano yatiyasenula izina lyane ulutusi.

Kasambilizya 9:3

Endi, swensi kwene icikatuponela icili cimwi, nga icintu cii iciipe mu vintu vyonsi ivikacitika umu nsi ii. Lino antu yacili nu umi amelenganyo yao yakazulamo uyi nu upena, alino yakaiukila ukuti iyafwa.

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mako 13:9

“Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Mako 3:28

“Cumi namunena vino maifyo ya antu na mazwi yao a misuli kuli Leza yonsi yangelelwa.

Luka 15:17

Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Luka 21:12

Lelo lino vintu vii vyonsi vitali vicitike, yalamulema nu kumuzunya. Yalamupeela ku ntunguluzi zyamu mang'anda ya mapepo nu kumuyalila mu mang'anda yaminyololo. Yalamuleta nkolelo yakwe yakateeka ni ntunguluzi pamulandu wane.

Luka 6:11

Nao yasoka cuze, yumana kapi pali cino yangacita kuli Yesu.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Milimo 22:19

Nani mvwanga inti, ‘Mwene yamanya ningo vino nayanga mu mang'anda ya mapepo nu kulema nu kuma yao ataile munuli.

Milimo 22:5

Simapepo Mukulu pamwi na amwi Tengo yonsi yangancitila umboni ukuti nemo nkuvwanga icumi. Yene yampile makalata akuyalangizya ku Ayuda aina itu amu Damasiko. Caleka naile kuku kuti nkaleme antu kwene yaa, nga njalete ku Yelusalemu ale yanyefilwe mu minyololo, kuti yavunukwe.

Milimo 9:1

Lelo Saulo watwalilile kupangila kukoma alondezi ya Mwene. Caleka aya kuli Simapepo Mukulu

Yakobo 2:7

Yakwene alio akalandila zina lisuma viipe, zina lya Mwene winu.

2 Petulo 2:16

Lelo punda wamulungike pa ciipe cino wacisile. Wene wavwanzile kunoli mwi zwi lya muntu nu kulesyanya cicitwa cakwe ca uwelewele.