Milimo 24:16 - Amazwi Yakwe Leza 2013

¹⁶ Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Milimo 24:16 ပူးပေါင်းရင်းမြစ်များ

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Loma 2:15

Pano micitile yao ikulanga ukuti vino Masunde yakataka ivyalembwa mu myenzo yao. Ni myenzo yao kwene ikasininkizya ukuti vino Masunde yataka ivya cumi, pano limwi melenganyo yao yakayavunuka limwi yakayazumilizya mu kuluvyanya kwao.

Loma 9:1

Nene wakwe Klistu, nkuvwanga cumi, nupya nsikutumpoka. Na kampingu wane wino Mupasi Wamuzilo akatungulula ali kambone wane. Caleka nsikutumpoka apa kuvwanga ukuti,

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 4:4

Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

1 Timoti 1:19

nupya sunga utailo wako nu kukwata mwenzo usuma. Antu yamwi yasyatontela yakampingu yao. Acino yene yonona utailo wao.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

1 Timoti 3:9

Yene yalinzile kukwata mano asuma nga nu kwemelela kuli vino Leza watusokolwela vya pa utailo witu.

2 Timoti 1:3

Nkataizya Leza, wino nkatumikila nu mwenzo uswepe, wakwe vino vikolwe vyane vyacisile. Nemo nkataizya Leza lyonsi kwaula kwilila wewe lino nkupepa, usiku nu musanya.

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 13:18

Mutwalilile kutupepela. Swemo twasininkizya ukuti myenzo itu ili ningo pano tukalondesya kucita cisuma nsita zyonsi.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

1 Petulo 2:19

Leza alamuvwangila visuma ndi mwacita cii, cikulu muposye kucula konsi kwa lufyengo pano mumanyile kulonda kwakwe.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.