Milimo 24:14 - Amazwi Yakwe Leza 2013

¹⁴ Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 24:14 ပူးပေါင်းရင်းမြစ်များ

1 Milandu 29:18

We Yawe, Leza wakwe Abulaamu, Isaki na Izlaeli, si ule walukwika umuzonda uu mu myenzo ya antu yako, nga yaye nu mwenzo wakukuyela mpaka umuyayaya.

Masamu 119:46

Indataka amasunde yako kuli yamwene, ni nsonyi ntaluvwa foo.

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Mateo 10:32

“Cumi, namunena nati, wino wensi walanda paswe ukuti uwakwane, nani ndamucitila cili conga pa manso yakwe Tata uwa mwiyulu.

Mateo 22:40

Masunde alembwa mu mpapulo zyakwe Mose nga nu mu mpapulo zyakwe yakasema yonsi kwene yemelela pa Masunde yaa, oili.”

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Luka 1:70

Ku mpiti wavwanzile kupitila muli yakasema yakwe amuzilo.

Luka 16:16

“Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya. Kufuma papo kwene Ilandwe Lisuma lya Wene wakwe Leza likukosolwa, na wensi akwezya na maka kwingilamo.

Luka 16:29

“Abulaamu ati, ‘Anyonko yakweti mpapulo zyakwe Mose na yakasema zya kuyasoka. Leka yuvwe ivyaya mwenemo.’

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Milimo 13:15

Lyene pacisila ca kuwelenga mazwi amu lupapulo lwakwe Mose nga na zyakwe yakasema, intunguluzi zyamu ng'anda yamapepo zituma mazwi kunoyali ziti, “Ina itu, ndi muli na mazwi yamwi akukomelezya antu, vwangini.”

Milimo 15:5

Lelo ataile yamwi ali mu kaungwe ka Afaliseo, iimilila yavwanga yati, “Akulukuwa yalinzile kusilamulwa nu kunenwa kuti yayela Masunde yakwe Mose.”

Milimo 19:23

Cali pa nsita kwene ii lino kwali cimvulunganya mu Efeso pamulandu ni nzila ya Mwene.

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Milimo 24:22

Lyene Felikisi wamanyile ningo vyonsi vya nzila ya Mwene. Caleka azinyazinya mulandu ati, “Alala Lisiasi, musika mukalamba uwa asilika wiza alino ndaputula mulandu winu.”

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Milimo 25:8

Lelo Paulo aitaasya ati, “Ntacita icintu cimwi ciipe pa masunde ya Ayuda nanti pa Ng'anda ikulu yakwe Leza nanti kuli Kesa kateeka uwaku Loma.”

Milimo 26:22

Lelo Leza wangazwa kufika ni lelo kwene. Acino njimi pano kuti mpeele umboni pa manso ya antu onsi, apina na akama. Cino nkavwanga icili cimwi kwene na cino yakasema pamwi na Mose yavwanzile ukuti cili nu kucitika.

Milimo 26:27

Mwene Agilipa, uzye wataila vyavwanzile yakasema? Imanyile vino wataila!”

Milimo 26:4

“Ayuda yonsi yamanya vino nikala ukutandika ku wance wane. Yamanya na vino umi wane waya, inkolelo mu mpanga ya kumwitu nga nu mu Yelusalemu.

Milimo 26:6

Acino ndakai nimilila nu kupingulwa pamulandu wa upaalilo uno nakwata mu ulayo uno Leza wacisile ku vikolwe vitu,

Milimo 28:22

Lelo tungatemwa ukuvwa kunuli pali vino ukwelenganya, pano twamanya ukuti konsi antu yakavwangila kaungwe kano wayamo ui.”

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Milimo 5:30

Yesu wazyukwike kufuma ku afwe ku maka yakwe Leza wa vikolwe vitu, pacisila lino mwamukoma pa kumupampamila pa lupanda.

Milimo 7:32

‘Nene Leza wa vikolwe vyako, Leza wakwe Abulaamu, Isaki, na Yakobo.’ Mose auvwa intete azakaza, nga ataposizye kuti alolekesye.

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Loma 3:21

Ndakai Leza watasokolola inzila yakwe yakucitilamo antu yaye aololoke pa manso yakwe kwaula Masunde.

1 Kolinto 11:19

Tutangazunguka ukuti kupaatukana kulinzile kuye munomuli pakuti yao akucita vya wololoke yangaloleka paswe.

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

2 Timoti 1:3

Nkataizya Leza, wino nkatumikila nu mwenzo uswepe, wakwe vino vikolwe vyane vyacisile. Nemo nkataizya Leza lyonsi kwaula kwilila wewe lino nkupepa, usiku nu musanya.

Tito 3:10

Muntu wino akapaatukanya auze ndi wamusoka nanti lili, lelo atuvwile, mumukane.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.