Milimo 24:11 - Amazwi Yakwe Leza 2013

¹¹ Mwemwe kwene mungazana cumi cakwe, citalusile pa manda ikumi na yaili apita lino naile ku Yelusalemu ku kupepa.

Milimo 24:11 ပူးပေါင်းရင်းမြစ်များ

Milimo 21:18

Uwanda walondelile tupita na Paulo kukulola Yakobo, na aikolo iuvi yonsi apano yali.

Milimo 22:30

Musika mukalamba walondanga kumanya cumi pamulandu uno Ayuda yapelanga Paulo. Caleka pa wanda uwalondelile amusapula, apeela ni lamulo kuli yasimapepo akalamba na yonsi amwi Tengo kuti yakongane. Alino aleta Paulo, amwimika nkolelo panoyali.

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Milimo 23:23

Alino musika mukalamba aama yamusika yaili, ayanena ati, “Teyanyini asilika imyanda iili kuti yaye ku Kesaliya, pali pamwi na apa mfwalasi makumi cinimbali na a masumo nao imyanda iili, muiteyanye kukatuka usiku ni nsita yakwe 9 koloko.

Milimo 24:1

Pacisila ca manda yasano Ananiya uwali a simapepo mukulu, aya ku Kesaliya pamwi na aikolo yamwi ni nkonkotela ya masunde, izina lyakwe a Tetulo. Yene imilila inkolelo ya mulasi Felikisi, yalongwela Paulo.

Milimo 24:17

“Pacisila ca myaka ingi pano nafumile ku Yelusalemu, nupya naile kweneko kuti ntwalile antu amu luko lwane uwila uno yantumilizye nga na kuti nkapele impolelwa.